اینگیلیس جوتلوک تورک وطنداشی اولماق ایستییر

اینگیلتره وطنداشی خالید ایژاز و حیات یولداشی عابدا سلطانا تورکیه‌نین موغلا ویلایتی‌نین مارماریس قصبه‌سینده ائو ساتین آلیدیلار.  

اینگیلتره‌نین Huddersfield قصبه‌سینده یاشایان اوچاق مهندیس لیگی وظیفه‌سین‌دن امکلی اولان پاکیستان اویروکلو ایژاز(65) و حیات یولداشی سلطانا (60) تورکیه‌نین لندون سفیرلیگینده وطنداش‌لیقلا علاقه‌لی ایشلرینی تاماملادیلار.

11 ایلدیر مارماریس-ده ائولری اولدوغونا گؤره تورکیه جمهوریتینده اقامت ایجازه سی اولان جوتلوک تعطعیل پلان‌لاش‌دیران توریست‌لره مارماریس-ه گلمه‌لرینی توصیه ائدیر.

خالید ایژاز تورکیه‌یه ایلک دفعه 1975-جی ایلده گلدیگینی، او سفرین‌دن تقریباً 20 ایل سونرا ایسه موغلا بؤلگه‌سینه توریست کیمی گلمه‌یه باشلادیغینی سؤیله‌دی.

یاشاماق اوچون ایقلیمی‌نین یاخشی اولماسی، تهلوکه‌سیز و اطرافی‌نین داغ‌لارلا احاته‌لی اولماسینا گؤره سئچیم‌لری‌نین مارماریس اولدوغونو وورغولایان ایژاز، 11 ایلدیر بورادا یاشاییرام. مارماریس-ده ائو ساتین آلدیم. وطنداش اولماق اوچون مراجعت ائتدیم، چونکی دؤولت رهبری رجب طیب اردوغانی چوخ سئویرم. تورکیه‌نی سرعت‌لی شکیلده اینکیشاف ائتدیردی، آلت یاپی، یول لار، اونیورسیته لر و مکتبلر اینشا ائتدیردی. اقامت ایجازه می 6 ایل قاباق آلدیم، دئدی.

موغلا شهری‌نین اعتبارلی، گؤزل بیر یئر اولدوغونو و توریست‌لرین راحت شکیلده گله بیله‌جگینی ایفاده ائدن ایژاز آوروپا مئدیاسی‌نین جدی پروبلئم وارمیش کیمی خبرلر یایدیغینی، حقیقتده تورکیه‌ده پروبلئم اولمادیغینی دا وورغولادی.

یولداشی عابدا سلطانا دا مارماریس-ین چوخ گؤزل بیر یئر اولدوغونو، بو شهرده یاشادیغینا گؤره چوخ خوشبخت اولدوق‌لارینی سؤیله‌دی.