جمهور باشقانینین سؤزچوسو ابراهیم کالین گوندمی دیرلندیردی
ابراهیم کالین سعودی عربیستانی، بیرلشمیش عرب امیرلیکلری، میصر و بحرین-ین قطره تقدیم ائدیلمهسی اوچون طلبلرینین یئر توتدوغو سیاهی حاضیرلادیغینی سؤیلهدی.
![جمهور باشقانینین سؤزچوسو ابراهیم کالین گوندمی دیرلندیردی](http://cdn.trt.net.tr/images/xlarge/rectangle/0682/8801/2b44/592d6657e36cf.jpg?time=1718876313)
جمهور باشقانینین سؤزچوسو ابراهیم کالین سعودی عربیستانی، بیرلشمیش عرب امیرلیکلری، میصر و بحرین-ین قطره تقدیم ائدیلمهسی اوچون طلبلرینین یئر توتدوغو سیاهی حاضیرلادیغینی سؤیلهدی.
ابراهیم کالین گوندمله علاقهلی اولاراق ژورنالیستلره دئدی کی، قطره کویت واسطهسیله سیاهی تقدیم ائدیلهجک. سیاهیدا طلبلر و قطر-ین یئرینه یئتیرمهسی لازیم اولان آددیملار وار. عمومی لیکده سعودی عربیستانی، بیرلشمیش عرب امیرلیکلری، بحرین و میصر اولماقلا دؤرد اؤلکه ایستکلرینی چاتدیراجاقلارینی ایفاده ائتدیلر. بیز ده پروسهسی تعقیب ائدجییک.
تورکیهنین قطرده قوراجاغی حربی بازا (پایگاه نظامی) مؤضوعسونا دا توخونان ابراهیم کالین بیلدیردی کی، بونا دایر تقویمی باش قرارگاه رئیسلیگی حاضیرلادی و بو پلان چرچیوهسینده پروسئس حیاتا کئچیریلهجک. بازانین مقصدی هر هانسی اوچونجو اؤلکهیه قارشی تهدید یاخود تهلوکه اولماق دئییلدیر. بیز کؤرفز بؤلگهسینین هر طرفینین تهلوکهسیزلیگی نامینه بونو ائدیریک.
ابراهیم کالین سوریه-ده توققوشما اولمایان بؤلگه مسئلهسی و آستانادان ژنوه اوزانان دانیشیق پروسهسینی دیرلندیرهرک دئدی کی، توققوشما اولمایان بؤلگهلرله علاقهلی تورکیه، روسیا و ایران آراسیندا مکانیزم قورولدو. حاضیردا تکنیکی هئیتلر بؤلگهلرین لجستیک وضعیتینی موذاکیره ائدیر. احتیمال اولاراق ادلیب بؤلگهسینده تورکیه و روسیا، دمشق بؤلگهسینده عمومی لیکده روسیا-ایران، جنوبدا درا بؤلگهسینده اردن و آمریکا-نین یئر توتاجاغی مکانیزم گوندمدهدیر. ژوئیه آییندا آستانادا کئچیریلهجک ییغینجاغا قدر بونون داها دقیق حالا گتیریلمهسینی گؤزلییریک.