آمریکا ائلچیسی باخانلیغا چاغریلدی
"آمریکانین آنکارا ائلچیسی سایین مستشاریمیز طرفیندن باخانلیغیمیزا دعوت ائدیلمیش‌دیر"
خاریجی ایشلر باخانلیغیندان، پرزیدنت رجب طیب اردوغانین گوونلیک پرسنلین‌دن بعضی‌لری حاقیندا توتوقلاما قراری آلیندیغی‌نین اؤیرنیلمه‌سی اوزرینه آمریکانین آنکارا ائلچیسی جان باسین باخانلیغا دعوت ائدیلدیگی و قرارین قبول ائدیله‌بیلمز اولدوغونون آمریکا ائلچیسینه وورغولاندیغی بیلدیریلدی.
باخانلیفدان وئریلن یازی‌لی آچیقلاما،
"واشینگتن ائلچیلیگیمیز قارشی‌سیندا 16 می تاریخینده یاشانان حادثه‌دن اؤترو آمریکا مقام‌لاری‌نین بعضی وطنداش‌لاریمیز ایله سایین جمهورباشقانیمیزین گوونلیک پرسنلین‌دن بعضی‌لری حاقیندا توتوقلاما قراری آلدیغی‌نین اؤیرنیلمه‌سی اوزرینه آمریکانین آنکارا ائلچیسی سایین مستشاریمیز طرفیندن باخانلیغیمیزا دعوت ائدیلمیش‌دیر" ایفاده‌لرینه یئر وئریلدی.
آچیقلامادا، بون‌لار قید ائدیلدی:
"آمریکا مقام‌لاری طرفیندن آلینان بو قرارین یانلیش، یان‌لی و حقوقی دایاناق‌دان یوخسون اولدوغو، واشینگتن ائلچیلیگیمیز قارشی‌سیندا یاشانانلارین یئرلی گوونلیک اورگان‌لارینین لازیم تدبیرلر آلمامالاریندان قایناقلاندیغی، آمریکانین بنزر اوست سویه‌لی سفرلرده آلدیغی تدبیرلر بو دفعه ده عینیله تطبیق اولونموش اولسایدی بو پروبلئمین یاشانمایاجاغی، دولاییسیلا دا یاشانان‌لاردان وطنداش‌لاریمیزین مسئول توتولامایاجاغی آمریکا ائلچیسینه چاتدیریلمیش‌دیر.
سؤزده اعتراضچی‌لار، ترور هؤرگوتو بایراق و سمبوللارییلا واشینگتن ائلچیلیگیمیزه بیر نئچه متر یاخینلاشماسینا و سوچسوز وطنداش‌لارا سالدیرمالارینا آمریکا مقام‌لاری طرفیندن گؤز یومولماسی‌نین و آیریجا ائلچیلیک کانچیلاریاسی قارشی‌سیندا سایین باخانیمیزین قوروما‌لارینا سالدیران آمئریکا گوونلیک یئتکی‌لی‌لرینه ده هئچ بیر ایشلم ائدیلممه‌سی‌نین مینیموم بیر عدالت آنلاییشی یاله باغداشدیریلاممایاجاغی دا آمریکا ائلچیسینه بیلدیریلمیش‌دیر. "
آچیقلامادا، طرف‌سیز و مستقیل بیر سوروشدورما نتیجه‌سی اولمادیغی آچیقجا گؤرولن بو قرارین، قبول ائدیله‌بیلمز اولدوغونون آمریکا ائلچیسینه وورغولاندیغی ایفاده ائدیلدی.
ایلگیلی‌لی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب
