مولود چاووش اوغلو بو گون قطره گئدیر
تورکیهنین خاریجی ایشلر ناظیری مولود چاووش اوغلو بو گون قطره گئدیر.
![مولود چاووش اوغلو بو گون قطره گئدیر](http://cdn.trt.net.tr/images/xlarge/rectangle/a7af/8d9b/f777/59353abdce9f1.jpg?time=1719070896)
تورکیه قطره تطبیق اولونان تحریملرین لغو اولونماسی اوچون نؤبتی اهمیتلی آددیمی آتیر.
تورکیهنین خاریجی ایشلر ناظیری مولود چاووش اوغلو بو گون قطره گئدیر.
مولود چاووش اوغلو برونئی خاریجی علاقهلر و اولوسلار آراسی امکداشلیق ناظیری آلائین آئیمه نیامیتوه ایله رسمی ایقامتگاهدا کئچیردیگی بیرگه مطبوعات کونفرانسیندا بعضی عرب اؤلکهلرینین قطره قارشی تحریملری نتیجهسینده اورتایا چیخان بحراندان دانیشدی و بونون حلینه کؤمک ائتمک اوچون دیپلوماتیک فعالیتلرین باشلادیغینی بیلدیردی.
چاووش اوغلو جمهور باشقانی رجب طیب اردوغانین هم ایسلام دونیاسینین، هم ده موختلیف اؤلکهلرین بیر چوخ لیدئری، کرالی، امیری، پرزیدنتی و باش ناظیری ایله تلفون دانیشیقلاری آپاردیغینی سؤیلهدی، باش ناظیر بینالی ییلدیریمین دا کئچیردیگی گؤروشلرده بو مسئلهنی دیرلندیردیگینی قئید ائتدی.
تورکیهنین خاریجی ایشلر ناظیری اؤزونون ده اولوسلار آراسی تشکیلاتلارین نمایندهلری، بیرلشمیش میللتلر تشکیلاتینین باش کاتیبی آنتونیو گوتررس و بیر چوخ اؤلکهنین خاریجی ایشلر ناظیری ایله فیکیر موبادیلهسی آپاردیغینی ایفاده ائتدی و: "قطره و سعودی عربیستانینا سفر ائدهجهیم. طبیعی کی، بورادا سعودی عربیستانینین فیکیر و تکلیفلری ده نظره آلیناجاق. بیز ائده بیلهجگیمیز کمکی دیرلندیرجییک. بو گؤروشلرین فایدالی اولاجاغینی دوشونوروک" دئیه دانیشدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719070896)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719070896)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی