ابراهیم کالین:" تورکیه الیندن گلن جهدی گوسترمهیه داوام ائدهجک"
جمهور باشقانینین سؤزچوسو ابراهیم کالین قطر ایله بیر سیرا عرب اؤلکهلری آراسیندا یاشانان بحرانین سعودی عربیستانی طرفیندن حل ائدیله بیلهجگینی سؤیلهدی.
![ابراهیم کالین:" تورکیه الیندن گلن جهدی گوسترمهیه داوام ائدهجک"](http://cdn.trt.net.tr/images/xlarge/rectangle/bcab/fd84/fc93/5849443798b7d.jpg?time=1718892402)
جمهور باشقانینین سؤزچوسو ابراهیم کالین قطر ایله بیر سیرا عرب اؤلکهلری آراسیندا یاشانان بحرانین سعودی عربیستانی طرفیندن حل ائدیله بیلهجگینی سؤیلهدی.
ابراهیم کالین بئش تپه ده تشکیل ائتدیگی مطبوعات کونفرانسیندا قطرله علاقهلی بحرانین حلینه دایر تورکیهنین ده الیندن گلن جهدی گؤسترمهیه داوام ائدجگینی بیلدیرهرک دئدی کی، قطرله علاقهدار تلفون دانیشیقلاری داوام ائدهجک. بوگون خاریجی ایشلر ناظیری مولود چاووش اوغلو و ایقتیصادیات ناظیری نیهات زئیبکچی قطره سفر ائدهجکلر، بلکه کؤرفزده بیر نئچه اؤلکهیه ده باش چکهجکلر، هدفیمیز بو پروبلئمین موذاکیرهلرله حله قوووشماسی، گرگینلیگین درینلشدیریلمهمهسیدیر.
ابراهیم کالین سعودی عربیستانینین بؤلگهنین ان اؤنملی آکتیورلاریندان بیری کیمی بو بحرانی حل ائده بیلهجک ایمکان و قابیلیته صاحب اولدوغونو وورغولادی.
عراق کورد بولگهسل رهبرلیگینین موستقیللیک رفرندومو قرارینا دا توخونان کالین بیلدیردی کی، ایلکین پلانداکی مقصدیمیز موذاکیره واسطهسیله بو خطادان ال چکیلمهسیدیر. بونونلا علاقهلی فعالیتلریمیز داوام ائدهجک. اونلارلا اوتوروب دانیشمادان بیزیم تحریم تطبیق ائتمه، سرحد کئچید منطقهسینی باغلاما کیمی بیر موقعمیزین اولماسی گوندمده یوخدور.
ایلگیلیلی خبرلر
![ترورلا موباریزه قطعیتله داوام ائدیر](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718892402)
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب