اردوغان، آمریکا پرزیدنتی دونالد ترامپ ایله قطر بحرانینی گؤروشه‌جک
آچیقلاما خاریجی ایشلر ناظیری مولوت چاووش اوغلو‌دان گلدی
تورکیه پرزیدنت رجب طیب اردوغان، آمریکا پرزیدنتی دونالد ترامپ ایله قطر بحرانینی گؤروشه‌جک.
تصویر خاریجی ایشلر ناظیری مولوت چاووش اوغلو‌دان گلدی.
مولوت چاووش اوغلو، تورکیه بؤیوک میللت مجلیسینده مطبوعات منسوب‌لارینا ائتدیگی آچیقلامادا، قطر بحرانینا رمضان بایرامی (25 ژوئن‌ده باشلاییر) اوّلینده حل تاپیلماسی مقصدیله تورکیه‌نین هر سویه‌ده داوام‌لی گؤروشمه‌لر اولدوغونو ایفاده ائده‌رک،
"اؤنوموزدکی گون‌لرده سانیرام ترامپلا پرزیدنتیمیز ده گؤروشه‌جک. تیلرسون (آمریکا خاریجی ایشلر ناظیری ریک تیلرسون)، تلفوندا سؤیلمیشدی. 'ترامپ، پرزیدنت اردوغانلا گؤروشمک ایستییر دئیه. یعنی بیز هم بین الخالق تلاشلارا دستک وئریریک، هم ده اؤزوموز، شخصاً پرزیدنتیمیز چوخ آکتیو بیر شکیلده تلاش ائدیر کی بایرام‌دان اوّل بو پروبلم چؤزولسون. " دئیه دانیشدی.
چاووش اوغلو، بعضی عرب اؤلکه‌لری‌نین قطره قارشی آلدیق‌لاری قرارین سبب‌لرینی ایضاح ائتمه‌یه چالیشدیق‌لارینی ایفاده ائده‌رک، درمان و قیدا کیمی تمل احتیاج‌لارلا اؤلکه‌لرین درحال ترک ائدیلمه‌سینه یؤنلیک تدبیرلره قارشی 4 اؤلکه‌نین اؤز ایچین‌دن جیدی اعتراض‌لار گلدیگینه دقتی چکدی.
تورکیه‌نین هم واسیطه‌چی‌لیک ائتدیگینی هم هر کسی ایشین ایچینه قاتدیغینی دیله گتیرن چاووش اوغلو، بون‌لاری سؤیله‌دی:
"بیز، حقیقتن، مثبت بیر شئی ائدیریک. اما چوخ آچیق بیر شکیلده اؤزلرینه ده (کؤرفز اؤلکه‌لری بوگوک ائلچیلرینه) سؤیلدیک. یعنی آتدیق‌لاری بعضی آددیم‌لار دا اؤلچوسوز، سهو. ایسلامی ده دئییل، اینسانی ده دئییل."
چاووش اوغلو، قطرین، بؤلگه‌سل موضوعلاردا هر زامان سعودی عربیستانی‌نین و یا دیگر کؤرفز اؤلکه‌لری‌نین یانیندا اولدوغونو دا ایضاح ائتدی.
سعودی عربیستانی، بیرلشمیش عرب امیرلیک‌لری، بحرین، میصر و یمن، 5 ژوئن‌ده قطر ایله بوتون دیپلوماتیک علاقه‌لرینی کسدیک‌لرینی بیلدیرمیشدی.
اؤلکه‌لری‌نین هاوا ساحه‌سینی قطره باغلایان سهودی عربیستانی، به و بحرین، قطرلی دیپلومات‌لارین 48 ساعت ایچینده اؤلکه‌لرین‌دن آیریلماسینی ایستمیش، سعودی عربیستانی آیریجا قطرین تک قورو مرزینی باغلامیشدی.
قطره قارشی دیپلوماتیک محاصیره‌یه مالدیو آدا‌لاری، بین الخالق جمعیت حکومتی اولمایان چئوریلیشچی‌لردن ایکی‌سی ژنرال خلیفه حفتر دستکچی‌سی لیبیدکی توبروک حکومتی، موریتانیا و کومور آدا‌لاری کیمی اؤلکه‌لر ده قاتیلمیشدی.
اوردون ده قطر ایله دیپلوماتیک علاقه‌لری‌نین سویه‌سینی سالدیغینی و مرکزی قطرده اولان الجزیره تلویزیونونون محلی اوفیسینی باغلادیغینی بیلدیرمیشدی.
ایلگیلی‌لی خبرلر
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی
