فیکری ایشیق: "ایکی ایلده 10 مین 657 تروریست محو ائدیلدی"
میللی ساوونما ناظیری فیکری ایشیق ایکی ایلده 10 مین 657 تروریست‌ین محو ائدیلدیگینی بیلدیردی.
میللی ساوونما ناظیری فیکری ایشیق ایکی ایلده 10 مین 657 تروریست‌ین محو ائدیلدیگینی بیلدیردی.
فیکری ایشیق قورو قوشون‌لار قوموتانی ژنرال صالح زکی چولاک ایله دونن کیلیس-ده چیلدیروبا اوست بؤلگه‌سینده تیکینتی یئرینده آراشدیرما‌لار آپاردی، اوزه ل قوت‌لر قوموتانلیغی پرسنلی‌نین وظیفه‌ده اولدوغو مرکزده معلومات آلدی. ایشیق و ژنرال چولاک داها سونرا هلیکوپترله شهید ستوان فرقان یایلا اوست بؤلگه‌سینه گئده‌رک عسگرلرله افطاردا بیر آرایا گلدی.
ناظیر ایشیق افطاردان سونرا ائتدیگی چیخیشدا دئدی کی، سیزلر"فرات قالخانی" عملیاتینی اوغورلا حیاتا کئچیردینیز. بو سبب ایله عملیات زامانی ایتیردیگیمیز 67 شهیدیمیزه و بوتون شهیدلریمیزه الله‌دان رحمت، یارالی لاریمیزا عاجیل شفا‌لار دیلییرم.
"فرات قالخانی” عملیاتی اؤلکه‌میزین سون دؤورده بؤلگه‌سین‌دکی حادثه‌لره لاقید قالمایاجاغینی، ترورلا موباریزه‌ده قطعیتلی موقعینی گؤسترن، بؤلگه‌میزده باش وئرن‌لره قارشی وئردیگیمیز ان دقیق جاواب اولموش‌دور." دئین ناظیر ایشیق ترور تشکیلاتی داعش-ین همین عملیات‌دان اول کیلیس شهرینه کاتیوشا موشک لری آتدیغینی خاطیرلاتدی.
ناظیر ایشیق تورکیه‌نین بیر طرف‌دن ترور تشکیلاتی پ.کا.کا ایله موباریزه آپاردیغینی ایفاده ائده‌رک بیلدیردی کی، 35 ایللیک موباریزه تاریخی‌نین ان موفقیت‌لی دؤورونو یاشاییریق. 23 ژوئیه 2015-جی ایلدن بو گونه قدر تخمینن ایکی ایلل عرضینده محو ائدیلن تروریست سایی 10 مین 657-دور. بو اونملی بیر باشاری دیر. آرتیق ترور تشکیلاتی حرکت ائده بیلمز حالا گلمیش‌دیر. بو ترور تشکیلاتی‌نین تامامیله کؤکونو کسمک و بیر داها بو اؤلکه‌یه تهدید اولماماسی اوچون ده لازیم اولان بوتون تدبیرلر گؤروله‌جک‌دیر.
میللی ساوونما ناظیری فیکری ایشیق ترور تشکیلاتی پ.کا.کا-نین سوریه قولو پ.ی.د، ترور تشکیلاتی داعش، سول میللی رادیکال ترور تشکیلات‌لاری و فتح الله چی ترور تشکیلاتی (فتو) ایله ده موباریزه‌نین داوام ائتدیریلدیگینی دیله گتیردی.
