اردوغان: آوروپا بیرلیگی عضولوگو شرط دئییل
"54 ایل اولدو. هله نهیی گؤزلهییرسینیز. آوروپابیرلیگی، 'تورکیه اؤزو چئکیلسین' هاواسیندا"
پرزیدنت رجب طیب اردوغان، آوروپا بیرلیگی (آ.ب) عضولوگونون، تورکیهنین 'اولمازسا اولمازی' اولمادیغینین بیلینمهسی لازیم اولدوغونو سؤیلهدی.
اردوغان، ناتو دؤولت و حکومت باشقانلاری ییغینجاغینا قاتیلماق اوزره بلژیکه حرکتیندن قاباق دونن اسنبوغا هاوالیمانیندا ائتدیگی آچیقلامادا، آ.بنین ده اوزرینه دوشهنی ائتمهسی لازیم اولدوغونو وورغولادی.
اردوغان،
"بیزیم اونلارا ایضاح ائدجییمیز بو. 54 ایل اولدو. هله نهیی گؤزلهییرسینیز. آ.ب، 'تورکیه اؤزو چئکیلسین' هاواسیندا. بیز ده قراری سیز وئرین دئییریک. گؤروشلرده بونو دانیشاجاییق. (آ.ب) بیزیم ده اولمازسا اولمازیمیز دئییل، بونون دا بیلینمهسی لازیم" دئیه دانیشدی.
تروریزم قونوسونا دا توخونان پرزیدنت، بونون، تک بیر اؤلکهنین دئییل، دونیانین پروبلئمی حالینا گلدیگینی سؤیلهدی.
قلوبال مسئلهلرین آنجاق قلوبال اؤلچوده بیر ایش بیرلیگی ایله حل ائدیلمهسی لازیم اولدوغونو وورغولایان اردوغان،
"هله 'منیم تروریستیم، سنین تروریستین' آیریجالیغینین، آیریلیغینین ائدیلمهسی، گؤروروک کی بعضی یئرلرده داوام ائدیر. بونلاردان قورتولمامیز شرط" دئدی.
ناتو متفیقلرینین تام بیر دایانیشما و ایش بیرلیگی ایچریسینده اولماسینین ضروری اولدوغونو سؤیلهین اردوغان،
"سون آیلاردا گرک سن پترزبورگ، استکهلم، پاریس و منچسترده یاشانان سالدیریلار، بیزه ترورون بؤلگهسل بیر مسئله اولمادیغینی گؤسترمیشدیر" دئدی.
اردوغان، آلمانیانین آداناداکی اینجیرلیک مرکزیندن چئکیلمک ایستهمهسیله ایلگیلی اولاراق دا،
"بو قونویلا ایلگیلیلی بیزه گلمیش بیر شئی یوخدور. گئدرلرسه بیز، گوله گوله دئیریک، باشقا بیر شئی دئییل" دئدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.