جمهور باشقانی اردوغان دونالد ترامپ ایله آغ ائوده گؤروشدو

تورکیه پرزیدنتی رجب طیب اردوغان آمریکا ایله ترور تشکیلاتی داعش باشدا اولماقلا، بوتون ترور تشکیلات‌لارینا قارشی مشترک بیر دایانیشما نوماییش ائتدیرمه‌نین اهمیتینه توخونا‌راق: "بؤلگه‌میزین گلجیینده ترور تشکیلات‌لارینا یئر یوخ‌دور. خصوصیله، پ.ی.د / ی.پ.گ-نین طرف اولا‌راق قبول اولونماسی قلوبال سازیشه اویغون دئییل‌دیر" دئدی.

پرزیدنت اردوغان آمریکا پرزیدنتی دونالد ترامپ-ایله گؤروشون‌دن سونرا کئچیریلن مطبوعات کونفرانسیندا ایکی اؤلکه آراسینداکی امکداشلیغین اهمیتینه دقت چکدی.

"دیالوق و هم رای لیگیمیزی داوام ائتدیرجییک. بو سفریمیز تاریخی دؤنوش نقطه‌سی اولا‌جاق"،- دئین اردوغان:"کؤکلو کئچمیشی اولان تورکیه-آمریکا موناسیبت‌لرین‌دن دانیشدیق. تورکیه ایله آمریکا آراسیندا موناسیبت‌لر مشترک علاقه‌لر اساسیندا اینکیشاف ائتمیش‌دیر. آرامیزداکی موناسیبت‌لری گوج‌لو ساخلاماغیمیز قلوبال باریش اوچون اهمیت‌لی‌دیر. اساساً، آمریکا ایله بیرلشمیش میللت‌لر تشکیلاتی و ناتو کیمی آچار تشکیلات‌لار ایله یاخین امکداش‌لیق ائدیلیر. دیالوق و همری‌لیگی داها دا گوجلن‌دیرمکده قرارلییق" ایفاده‌لرینی ایشلتدی.

گؤروشده سوریه و عراق-دا بون‌دان سونرا آتیلا‌جاق آددیم‌لاردان دا دانیشیلدیغینی قئید ائدن پرزیدنت: "بؤلگه‌نین استقرایندا تورکیه-آمریکا امکداش‌لیغی چوخ اهمیت‌لی‌دیر. ترامپ ایله داها سیخ تماس‌لاردا اولماق فیکریندییک" دئدی.

اردوغان: "جناب پرزیدئنته 15 ژوئن دؤولت چئوریلیشی جهدی‌نین سببکاری فتو ایله علاقه‌دار گؤزلنتی‌لریمیزی ده آچیق شکیلده ایفاده ائده‌جه‌یم" دئدی.

آمریکا پرزیدنتی دونالد ترامپ دا "اردوغانلا گؤروشوموزه چوخ شادیق" دئیه‌رک سؤزلرینه باشلادی.

ترامپ: "ترورلا موباریزه‌دکی یئنی دوشمه نیمیزه قارشی فعالیت گؤستریریک.تورکیه-نی یئنی ترورا قارشی آپاردیغی موباریزه‌سینده دستکلییریک" دئدی.

سوریه-ده کی زوراکیلیغین آزالدیلماسی اوچون صرف اولونان سعی‌لری ده تقدیر ائتدیک‌لرینی بیلدیرن ترامپ: "تورکیه‌نین سلاح سیفاریش طلب‌لرینی حیاتا کئچیرمه‌یه حاضیریق" ایفاده‌لرینی ایشلتدی.