پرزیدنت اردوغان آمریکایا گئتدی

چینین باشکندی پکنده اولوسلارآراسی امکداش‌لیق اوچون قورشاق و یول فوروموندا ایشتیراک ائدن پرزیدنت رجب طیب اردوغان، بو گون ده آمریکا پرزیدنتی دونالد ترامپ ایله گؤروشمک اوزره واشینگتونا حرکت ائتدی.

پرزیدنت اردوغان، چین خالق جمهوریتینده، "قورشاق و یول فورومو" چرچیوه‌سینده ایش یئمیینه قاتیلدی.

اردوغان، یئمیین آردین‌دان اؤزل اوچاق "جان" ایله تورکیه ساعاتی ایله 09.25ده پکن‌دن آمریکایا حرکت ائتدی.

پرزیدنت اردوغان، واشینگتوندا آمریکا پرزیدنتی دونالد ترامپ ایله یارین (16 می) باش باشا و هیات‌لرآراسی گؤروشمه‌لر گئچیره‌جک.

اردوغانین، آمریکا پرزیدنتی دونالد ترامپ ایله ائدجیی ایلک اوز اوزه گؤروشده، بؤلگه‌سل و اولوسلارآراسی مسئله‌لرین اله آلینماسی گؤزلنیلیر.

سفر چرچیوه‌سینده گئچیریله‌جک یوکسک سویه‌لی گؤروش‌لرده، ایکی‌لی ایلیشکی‌لرین یانیندا فتح‌الله‌چی ترور هؤرگوتو (فئتو) باشی فتح‌الله گولنین قایتاریلماسی، سوریه و عراقدا یاشانان گلیشمه‌لر و ترورلا مباریزه‌یه دایر گؤروش آلیش وئریشی ائدیلمه‌سی اؤن گؤرولور.

اردوغان، سفر چرچیوه‌سینده سیویل توپلومو دوشونجه قورولوش‌لاری ایله ایش آدام‌لاری نماینده‌لرینی ده آیری آیری قبول ائده‌جک.

اردوغانا سفرده، عدلیه باخانی بکیر بوزداغ، خاریجی ایشلر باخانی مولود چاووش‌اوغلو، اقتصادیات باخانی نیهات زئیبکجی، انرژی و طبیعی قایناق‌لار باخانی برات آلبایراق و میلی ساوونما باخانی فیکری ایشیق ائشلیک ائدیر.