اردوغان، بروکسلین بلدیه باشقانینا: من ذیروهیه گئدیرم، زیروایا دئییل
پرزیدنت اردوغان چینه گئتمهدن اوّل آنکارا اسنبوغا هاوالیمانیندا ژورنالیستلرین سواللارینی جوابلادی
تورکیه پرزیدنت رجب طیب اردوغان، بلژیکین پایتختی بروکسلین بلدیه باشقانی یوان مایورون، "اردوغانا دستک طرفداری توپلانتی و یا حرکتلره ایجازه وئریلمهیهجک" آچیقلاماسینا چوخ آغیرجواب وئردی.
اردوغان، "بلژیک مسئوللارینین گوجو چاتیرسا بویورسون. من ذیروهیه (ناتویا) گئدیرم، زیروایا دئییل. بونونکی زیروالاما" دئدی.
پرزیدنت اردوغان چینه گئتمهدن اوّل آنکارا اسنبوغا هاوالیمانیندا ژورنالیستلرین سواللارینی جوابلادی.
25 میده بروکسلده کئچیریلهجک ناتو ایجلاسینا قاتیلاجاق اولان اردوغان، بروکسل بلدیه صدرینین آچیقلامالارینین خاطیرلادیلماسی اوزرینه بئله دانیشدی:
"بروکسل بلدیه باشقانی ناتو-نون منسوبو دئییل، ناتو آدینا دانیشاجاق بیری ده دئییل. او اؤز ایشینه باخسین. بروکسل کوچهلرینی نئجه تمیزلیهجگینی دوشونسون. بیراخسین دا بو ایشلری بلژیکدکی ناتو تمثیلینی بوینونا گؤتورن اینسانلار دانیشسین. من نه بروکسل بلدیهسینه زیارته گئدیرم، نه بلژیک مسئوللارینی زیارته گئدیرم. من ناتو ذیروهسینه گئدیرم. ها گوجو بونا چاتیرسا 'من ناتو ذیروهسینه اردوغانی سوخمام دئییرسه، بلژیک مسئوللارینین چاتیرسا بویورسون. من ذیروهیه گئدیرم، زیروایا دئییل. بونونکی زیروالاما. ناتو، نه اوچون وار؟ ناتو ترورلا موباریزهده یئر آلمایاجاقسا نیه وار؟ بونلارین هامیسینی دیله گتیرجگیک."
ایلگیلیلی خبرلر
رجب طیب اردوغان برونئی، سومالی و ایسپانیا سفیرلرینی قبول ائدیب
برونئی، سومالی و ایسپانیا سفیرلری اعتیمادنامهلرینی اردوغانا تقدیم ائدیبلر