جرج وللا:" تورکیه آوروپا بیرلیگی اوچون استراتژیک طرفداشدیر"
آوروپا بیرلیگینین نؤبتی صدری مالتانین خاریجی ایشلر ناظیری جرج وللا تورکیهنین آوروپا اوچون استراتژیک طرفداش اولدوغونو سؤیلهدی
آوروپا بیرلیگینین نؤبتی صدری مالتانین خاریجی ایشلر ناظیری جرج وللا تورکیهنین آوروپا اوچون استراتژیک طرفداش اولدوغونو سؤیلهدی.
وللا آنادولو خبر آژانسینا وئردیگی آچیقلامادا: آوروپا بیرلیگی ایله علاقهلرین گلجیینه تورک خالقی و مسئولارینین قرار وئره بیله جگینی، مسئلهیه بئله یاناشمانین تورکیه-نین اگمنلیگینه حؤرمته گؤره اولدوغونو وورغولادی.
جرج وللا قئید ائتدی کی، بونونلا یاناشی 28 آوریلده مالتادا کئچیریلن و خاریجی ایشلر ناظیری مؤلود چاووش اوغلونون دا قاتیلدیغی ییغینجاقدا آوروپا بیرلیگی، تورکیه ایله اونسیت کاناللارینی آچیق توتماق ایستدیگی مئساژینی وئردی. آوروپا بیرلیگینین قاپیلاری تورکیه ایله گؤروش کئچیرمک و مسئلهلری موذاکیرهیه ائتمک اوچون آچیقدیر.
قبول ائدیلن بعضی قرارلارین علاقهلره ضرر وئرمهسیندن کدر دویدوقلارینی بیلدیرن جرج وللا دئدی ، آوروپا بیرلیگی و تورکیه آراسیندا گوجلو علاقهلر وار. تورکیه آوروپا اوچون استراتژیک طرفداشدیر و پروبلئملری دیپلوماتیک اولاراق موذاکیره ائتمهلییک.