تورکیه آوروپا شوراسی پارلامنت مجلیسینین قرارینی پیسلهدی
جمهور باشقانی رجب طیب اردوغان تورکیه قارشی آلینان قرارین تامامیله سیاسی اولدوغونو وورغولادی.
تورکیه آوروپا شوراسی پارلامنت مجلیسینین قرارینا سرت شکیلده رئاکسیا گوستردی.
جمهور باشقانی رجب طیب اردوغان تورکیه قارشی آلینان قرارین تامامیله سیاسی اولدوغونو وورغولادی.
اردوغان: "بئله قراری تانیمیریق" دئدی.
جمهور باشقانینین سوزچوسو ابراهیم کالین دا "حقیقت و حقیقت ایله علاق سی اولمایان قراری قیناییریق" دئدی.
تورکیه بؤیوک میللت مجلیسینین صدری اسماعیل کاراهرامان دا اؤز رئاکسیاسینی یازیلی شکلیده گؤسترهرک بیلدیردی کی، تامامیله سیاسی سببلره گؤره قبول ائدیلن بو قراری پیسلییرم. ترورا دستک اولان بو قرارین آوروپا شوراسی پارلامنت مجلیسینین آدینا بیر اوتانج سندی کیمی قالاجاغینی ایفاده ائتمک ایستییرم.
باش ناظیر بینالی ییلدیریم دا قرارین آرتان عرقچیلیگین کؤلگهسینده قبول ائدیلدیگینی و سیاسی قرار اولدوغونو وورغولادی.
باش ناظیر دئدی کی، آوروپا بیرلیگینین تورکیه ایله علاقهلی اؤزونده اولان پروبلئملری حل ائتمهسینی گؤزلییریک. بیرلیک گلهجکله علاقهلی سیاستینی یئنیدن گؤزدن کئچیرمهلیدیر.
باش ناظیرین یاریمجیسی نومان کورتولموش دا : "بو، تأسف کی، عرقچی، فاشیست، تورکیهنین، ایسلامین علیهینه اولان کامپانیانین نتیجهسیدیر. تامامیله سیاسی قراردیر" دئیه قئید ائتدی.
خاریجی ایشلر ناظیرلیگی ده بیانات یایاراق بیلدیردی کی، آوروپا شوراسی پارلامنت مجلیسی ایله علاقهلر گؤزدن کئچیریلهجکدیر. قرار استراتژی دوشونجهدن محروم، منطق سیز بیر موقعی عکس ائتدیریر. سیاسی مقصدله قبول ائدیلن قراری سرت شکیلده قیناییریق.
قرارین تاریخی سهو اولدوغونو وورغولایان آوروپا بیرلیگی ناظیری عمر چلیک ده: “عدالتلی اولمایان، حاقسیز و سهو بیر قراردیر” دئیه بیلدیردی.