چاناققالا قارا ساواشلارینین 102نجی ایل دؤنومو مختلیف فعالیتلرله خاطیرلانیر
مراسیملر چرچیوهسینده دونن شهیدلر عابیدهسیندکی مراسیمده قوران کریم اوخوندو، دعالار ائدیلدی
![چاناققالا قارا ساواشلارینین 102نجی ایل دؤنومو مختلیف فعالیتلرله خاطیرلانیر](http://cdn.trt.net.tr/images/xlarge/rectangle/d8a0/bec3/13df/58fedd41725c9.jpg?time=1718858410)
![çanakkale kara savaşlarının 102. yıl.jpg](http://cdn.trt.net.tr/images/xlarge/rectangle/4d2d/a032/d358/58feddacaedc7.jpg?time=1718858410)
تاریخین گؤردوگو ان بؤیوک قهرمانلیق داستانلاریندان اولان چاناققالا قارا ساواشلارینین 102نجی ایل دؤنومو مختلیف فعالیتلرله خاطیرلانیر.
گئلیبولونون فرقلی نقطهلرینده مراسیملر ائدیلیر.
مراسیملر چرچیوهسینده دونن شهیدلر عابیدهسیندکی مراسیمده قوران کریم اوخوندو، دعالار ائدیلدی.
بورادا دانیشان مدنیت و توریزم ناظیری نابی آوجی، چاناققالا ظفری ایله قورتولوش ساواشی آراسیندا اینکار ائدیله بیلمز بیر باغ اولدوغونا ایشاره ائتدی.
آوجی، بؤیوک ظفرین قازانیلماسیندا بیرلیک و برابرلیک روحونون اوستون گلدیگینی سؤیلهدی.
اینگیلترهنین آنکارا سفیری ریچارد موور دا گونون معنا و اهمیتینه وورغو ائتدی.
موور، چاناققالا قورو ساواشلاریندا ووروشان ایکی طرفین عینی زاماندا رومانتیک یاخینلیق قوردوقلارینی ایفاده ائدهرک بو یاخینلیغین اؤزونو هله تأثیر ائتدیگینی ایفاده ائتدی.
مراسیملر چرچیوهسینده مهتران قوموتانی کونسرت وئردی، سونرا کئچید مراسیمی ائدیلدی.
تورکیهنین دونیاجا مشهور هاوا آکروباتیک قروپو سولو تورک، چاناققالا بوغازی اوزرینده بیر نوماییش اوچوشو رئاللاشدیردی.
57نجی آلای شهیدلیغینه، تورک سیلاحلی گوجلری و اتفاق دولتلری آدینا چلنگلر بوراخیلدی.
مراسیم، ناظیر آوجی و اونونلا بیرلیکده اولانلارین شهید مزارلارینا قرهنفیل بوراخماسییلا سونا چاتدی.
اینگیلیس آنیتی و فرانسیز قبیریستانلیغیندا دا مراسیملر ائدیلدی.
تورک اوردوسونون ظفری ایله نتیجهلنن چاناققالا قورو ساواشلاری 8.5 آی سورموشدو.
دیگر طرفدن، چاناققالا ظفرینین 102. ایلی فعالیتلری ایچینده گنجلیک و ایدمان ناظیرلیگین تشکیل ائدیلن "57. هنگ وفا گئدیشی" بو گون یورد داخیلینده ائدیلدی.
سحر ساعتلاریندا چوخ سایدا شهرده ائدیلن وفا یوروگوشلرینه مینلرله اینسان قاتیلدی.
چاناققالا قارا ساواشلارین قازانیلماسیندا 57. هنگین گؤستردیگی قهرمانلیقلار تاریخه قیزیل حرفلرله کئچمیشدی.