"دونیانین ان ائتکیلی 100 آدی" لیستهسینده اردوغان دا وار
تایم 100 لیستهسی، اؤنچولر، تیتانلار، صنعتچیلر، لیدئرلر و ایکونلار اولماقلا 5 آیری کاتگوریده دونیانین ان ائتکیلی آدلارینی تعیین ائدیر
آمریکادا یایینلانان تایم درگیسینین بو ایلکی "دونیانین ان ائتکیلی 100 آدی" لیستهسینده جمهورباشقانی رجب طیب اردوغان دا یئر آلدی.
14.جو دفعه حاضرلانان تایم 100 لیستهسی، اؤنچولر، تیتانلار، صنعتچیلر، لیدئرلر و ایکونلار اولماقلا 5 آیری کاتگوریده دونیانین ان ائتکیلی آدلارینی تعیین ائدیر.
تایم 100 لیستهسی، دونیانین دؤرد بیر یانیندا، "قایدالاری پوزان، رکوردلاری قیران، سسسیزلیگی پوزان و سرحدلری ییخاراق اصلینده نهلر ائدهبیلجییمیزی اورتایا قویان" کسلر آراسیندان سئچیلیر.
ان ائتکیلی لیدئرلر لیستهسینده پرزیدنت اردوغانین یانیندا، اینگیلتره باشباخانی ترزا می، هیندیستان باشباخانی نارئندرا مودی، آمریکا پرزیدنتی دونالد ترامپ، ویکیلیکس قوروجوسو جولین آسانژ، قوزئی کره لیدئری کیم جونگ اون، چین دؤولت باشقانی شی جینپینگ، فیلیپپین دؤولت باشقانی رودریگو دوترت، روسیا دؤولت باشقانی ولادیمیر پوتین و کاتولیکلرین روحانی لیدئری پاپ فرانسیس کیمی آدلار یئر آلیر.
تایم ژورنالینین ایلین ان ائتکیلی صنعتچیلری کاتگوریسینده یئر آلان مشهور آدلار ایسه، اما استون، اد شیران، آلیسیا کیس، رایان رینولدز، لسلی جونز، مارگوت روبی، سارا پاولسون، دمی لوواتو، جون لگند.
لیستهنین اؤنچولر کاتگوریسینده بیر تورک داها وار.
چوبانی فیرماسینین صاحبی تورک ایش آدامی حمدی اولوکایا و آمریکا پرزیدنتی ترامپین قیزی ایوانکا ترامپ، اؤنچولر کاتگوریسیندا یئر آلدی.