جمهور باشقانی اردوغان "الجزیره" تلویزیونونا موصاحیبه وئردی

جمهور باشقانی رجب طیب اردوغان آوروپانین تورکیه‌یه قارشی ایکی اوزلو داوراندیغینی و هله ده عینی شکیلده داورانماغا داوام ائتدیگینی بیلدیردی.

جمهور باشقانی اردوغان قطرین "الجزیره " تلویزیونونا موصاحیبه وئردی.

بازار گونو کئچیریلن آنایاسا دییشیک‌لیگی رفرندومونا دایر راپور یایان آوروپا گوونلیک و امکداش‌لیق تشکیلاتی‌نین اوبیکتیو اولمادیغینی بیل‌دیرن اردوغان آوروپا گوونلیک و امکداش‌لیق تشکیلاتی نین موشاهیدچی‌لری آراسیندا ترور تشکیلاتی پ.کا.کا طرفدارلاری‌نین اولدوغونو فوتوشکیل‌لرله اتبات ائتدی.

اردوغان آوروپانین رفرندوم مسئله‌سینده آچیق شکیلده طرف توتدوغونو قئید ائده‌رک:"تورکیه آرتیق ایناندیغی یولدا اوغورلا آددیملاییر. یعنی تورکیه تحصیلده، ساغلیق دا، عدالت ده، امنیت ده ، نقلیات دا، انرژی ده ، تاریم دا ، بوتون آلت یاپی اوست یاپی یاتیریملاردا چوخ جدی گؤستریجی‌لر الده ائتدی. آوروپا بونو هضم ائده بیلمیر. ایندی بو یئنی سیستم ایله داها سرعتله گئدجییمیز بیر یولا گیردیک" دئدی.

اردوغان آوروپانین "فاشیست، ناسیست" کیمی اتهام‌لاردان ناراحات اولدوغونو، لاکین عینی داورانیش سرگیلمه‌یه داوام ائتدیگینی بیلدیردی.

جمهور باشقانی اردوغان، تورکیه‌یه آوروپا بیرلیگینه اوزولوک مسئله‌سینده ده یالان سؤیلمه‌یه داوام ائدن آوروپایا: "دئموکرات اولون" چاغیریشینی ائتدی.

اؤلوم حؤکمونون گئری گتیریلمه‌سی ایله باغلی سوا‌لی دا جاوابلان‌دیران اردوغان: "اگر منیم خالقیم اعداملا باغلی قرار وئرسه، ایش بیتر. آوروپا بیرلیگینه آلماسا‌لار، آلماسین‌لار، 54 ایل آلمادی‌لار، نه اولدو؟" دئدی.

جمهور باشقانی سوریه-ده کی ترور تشکیلات‌لاری ایله موباریزه مسئله‌سینه ده توخوندو، یئنی آمریکا رهبرلیگی‌نین پ.کا.کا-نین داوامی اولان پ.ی.د-یه قارشی توتاجاغی موقع ایله باغلی گؤزلنتی‌لرینی وورغولادی.

اردوغان:"غرب دونیاسی:"بیز عراق-ین، سوریه‌-نین اراضی بوتؤو‌لوگونون طرفداریییق"دئییر، اما عمله گلدیگی زامان بیر بؤلگو هاواسی اسیر، پروبلئم ده بوندا‌دیر" دئدی.

جمهور باشقانی اردوغان ایرانین پرس یاییلماجی‌لیغی آنلاییشی‌نین سون زامان‌لار اؤزونو باریز شکیلده بوروزه وئرمه‌یه باشلادیغینی دا ایفاده ائتدی، مسلمان‌لار آراسیندا باغلاییجی فاکتورون ارقچی‌لیک آنلاییشی دئییل، دین اولدوغونا دقت چکدی.