تانر ییلدیز بلژیک-ده تورک وطنداشلاری ایله گوروشدو

تورکیه‌نین سابیق انرژی و طبیعی ثروت‌لر ناظیری تانر ییلدیز آلمانیا‌دان سونرا بلژیک-ده یاشان  تورک وطنداش‌لارلا گؤروش‌لر کئچیردی.

بروکسل-ده تورک غیری-حکومت تشکیلاتی‌نین نماینده‌لری ایله گؤروشن تانر ییلدیز آنایاسا دییشیک‌لیگی و پرزیدنت‌لیک سیستمیندن دانیشدی.

ییلدیز: "بؤیوین، ایقتیصادیاتی اینکیشاف ائدن تورکیه‌نین دارالان، بوزولن عینی یئرده قالان آنایاساسی اولا بیلمز. بیر مهم سبب ده وار. تورکیه‌ده 15 ژوئن ده چئوریلیش جهدی اولدو" دئدی.

تورکیه‌نین 2001-جی ایلده جدی اقتصادی بحران کئچیردیگینی خاطیرلا‌دان ییلدیز 2002 -جی ایلدن بو گونه ده ک سیاسی ثابت‌لیک سایه‌سینده مثبت بیر اقتصادی سیچراییش باش وئردیگینی قئید ائتدی.

ییلدیز تفنگ بله اوره‌ته بیلمه‌ین تورکیه‌ده آرتیق یرلی تانک و اوچاق اوره تیمی‌‌نین اولدوغونا دقت چکدی.

سابیق ناظیر خالقین ایراده‌سی‌نین قورونماسی و یئنی چئوریلیش‌لرین قارشی‌سی‌نین آلینماسی اوچون آنایاسا دییشیک‌لیگی‌نین شرط اولدوغونو وورغولادی.

خاریجده یاشان وطنداشلار آنایاسا دییشیک‌لیگی اوچون سس وئرمه مارتین 27-ده کئچیریله‌جک.