اردوغان: وطنداشلاریمیز ایله کؤنول باغیمیزا جیجیک ائدیللر
تورکیه پرزیدنتی رجب طیب اردوغان، 16 آوریل رفراندومو اوچون آلمانیاداکی وطنداشلارلا گؤروشمهسی هدفی ایله ایشلرین داوام ائتدیگینی سؤیلهدی
![اردوغان: وطنداشلاریمیز ایله کؤنول باغیمیزا جیجیک ائدیللر](http://cdn.trt.net.tr/images/xlarge/rectangle/1908/ed29/24e6/58c0e1b264734.jpg?time=1719034039)
تورکیه پرزیدنتی رجب طیب اردوغان، 16 آوریل رفراندومو اوچون آلمانیاداکی وطنداشلارلا گؤروشمهسی هدفی ایله ایشلرین داوام ائتدیگینی سؤیلهدی.
ت.ر.ت اؤزل یایینینا قاتیلان پرزیدنت اردوغان، غوربتچیلر سسلنهرک،
"اونلاردان تک خواهیشیم، پرزیدنت اولاراق میلتیم آدینا صاندیغا گئدین، هانسی مانعنی قویورلارسا قویسونلار رای لرینیزی وئرین، وئرجگینیز سس غربه، دونیایا ان گؤزل جواب اولاجاق" دئدی.
اردوغان،
"وطنداشلاریمیز ایله کؤنول باغیمیزا جیجیک ائدیللر، نه ائتسهلر ائتسینلر بو باغی کیمسه کوپاراماز" دئدی.
اردوغان، روسیا زیارتی ایله علاقهدار اولاراق دا اؤنجهلیک گوندمین سوریه اولاجاغینی، بونون دیشیندا ایکیطرفلی علاقهلر و بؤلگهسل موضوعلارین اله آلیناجاغینی، سؤیلهدی.
پرزیدنت، 16 آوریلده رفراندوما تقدیم ائدیلهجک آنایاسا دییشیکلیگینین نظرده توتدوغو پرزیدنت حکومت سیستمینده، باش ناظیرلیگی قالخدیغینی، پارلامنتین قانون قویما یئتکیسینینن و یوخلاما گوجونون آرتدیغینی ایفاده ائتدی.
یئنی سیستم ایله پرزیدنتینین یارغیلانابیلمسینین قارشیسینین آچیلدیغینی ایفاده ائدن اردوغان، تورکیه بؤیوک میللت مجلیسینه ده سئچیملرین یئنیلنمهسی صلاحیتینین وئریلدیگینی ایفاده ائتدی.
"خالقیمیزا داها یاخشی خیدمت وئرمهنین دردیندییز" دئین پرزیدنت،
"(جمهوریتین قورولوشونون 100ونجو ایلدؤنومو اولان) 2023-جو ایلده ایلک 10 هدفیمیزه یئنی سیستم سایهسینده نایل اولا بیلریک" دئیه علاوه ائدیب.
پرزیدنتی رجب طیب اردوغان، آنایاسا دییشیکلیگینی، سیستمه باغلی بیر ثابیتلیگین، گووهنین ریلینه اوتورماسی اولاراق گؤردوگونو سؤیلهیهرک،
"رژیم دییشیکلیگی دردیمیز یوخ، او ایش (جمهوریتین اعلان ائدیلدیگی) 1923-جو ایلده بیتدی" دئدی.
اردوغان، موجود سیستمین تورکیهده ثابتلیگی تهدید ائتدیگینی سؤیلهیهرک،
"بیز اؤزوموزه دئییل، اؤلکهمیزین گلهجگی اوچون بیر سیستم قوروروق" ایفادهلرینی ایستیفاده ائتدی.
رجب طیب اردوغان، یئنی سیستمده ترورلا موباریزهده ده چوخ داها آردیجیل نتیجهلر آلیناجاغینی وورغولادی.
پرزیدنت اردوغان، فتح الله چی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیهده کودتا گیریشیمیی ایله باغلی اولاراق،
"15 ژوئیهده میللتیمیزین ایمانینی، وطن سئوگیسینی گؤرورم. 16 آوریل 15 ژوئیه ایله حسابلاشما گونو اولاجاق" دئدی.
پرزیدنت، ایقتیصاداکی اینکیشافلار موضوعسوندا ایسه، تک باشینا حکومتلر دؤوروندکی ثابتلیک سایهسینده تورکیهنین خاریجی یاتیریملارین اعتبارلی لیمانی حالینا گلدیگینی سؤیلهیهرک،
"ایستیخدامداکی چتینلیگی آشاجاغیق، ایشسیزلیک تک رقملی ساییلارا ائنهجک." ایفادهلرینی ایستیفاده ائتدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719034040)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719034040)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی