اردوغان هر کسی دستک وئرمه‌یه چاغیردی

جمهور باشقانی رجب طیب اردوغان دوغو افریقا اؤلکه‌لرینده آجلیغین پنجه‌سینده اولان 23 میلیون اینسانین وضعیتینه بیگانه قالمادی.

اردوغان تویتر حسابین‌دان هر کسی تورک قیزیلایی‌نین بؤلگه اوچون باشلادیغی یاردیم کامپانیاسینا دستک وئرمه‌یه چاغیردی.

تورک، اینگیلیس و عرب دیل‌لرینده اولان چاغیریش متنینده جمهور باشقانی اردوغان، قوراقلیغین یاراتدیغی آجلیق تهدیدینین جدی بویوتلارا چاتدیغی بو اؤلکه‌لرین یاردیم چاغیریش‌لارینا هئچ واخت بیگانه قالمایاجاقلارینی قئید ائتدی.

تورک قیزیلایی‌نین "دوغو افریقایا اومید اول" کامپانیاسی چرچیوه‌سینده بوتون GSM اوپراتورلاریندان‌ 2868-ا "DOGUAFRIKA"  یازیب مئساژ گؤندره‌رک 10 لیره باغیش وئرمک اولار.

بیرلشمیش میللت‌لر تشکیلاتی‌نین معلومات‌لارینا گؤره، دوغو افریقا اؤلکه‌لرینده 23 میلیون اینسان آجلیغین پنجه‌سینده‌دیر.

سوما‌لی، گونئی سودان، اتیوپی، کنیا، جیبوتی، سودان، اوگاندا و بوروندی کیمی اؤلکه‌لرده تخمینن 23 میلیون اینسانین عاجیل اولا‌راق قیدا یاردیمینا احتیاجی وار.

دوغو افریقادا قوراق‌لیق سببیندن سون بیر ایلده ارزاق قیمت‌لرینده اولان آرتیم دا بحرانین بؤیومه‌سینه سبب اولان عامل‌دیر.

بیرلشمیش میللتر تشکیلاتی‌نین قیدا و تاریم تشکیلاتی‌نین (FOA) معلومات‌لارینا گؤره، اتیوپی، کنیا، سوما‌لی، گوئنی  سودان، اوگاندا و تانزانیا‌داکی قیدا قیمت‌لری سون بیر ایل عرضینده رکورد سویه‌یه یاخینلاشدی.