بکیر بوزداغ، فرانسا و آلمانیادا گؤروشمه‌لر ائده‌‌جک

عدالت ناظیری بکیر بوزداغ، فرانسا و آلمانیادا مختلیف زیارت و گؤروشمه‌لر ائده‌‌جک.

باخانلیقدان ائدیلن آچیقلامایا گؤره، 1-2 مارس تاریخ‌لرینده فرانسانین استراسبورگ شهرینده مختلیف زیارت و گؤروشمه‌لر اولا‌جاق اولان بوزداغ، آوروپا شوراسی‌نین باش کاتیبی توربیان یاگلان و آوروپا اینسان حاق‌لاری محکمه‌سی‌نین صدری گویدو رایموندی ایله ایکیلی دانیشیق‌لار رئال‌لاش‌دیرا‌جاق.

بکیر بوزداغ، آوروپا شوراسی نماینده‌لر کومیته‌سینده 47 عضو اؤلکه‌نین بوگوک ائلچیلرینه ده خیطاب ائده‌جک.

داها سونرا تورک وطنداش‌لارلا بیر آرایا گله‌جک اولان بوزداغ، آوروپا‌لی تورک دموکرات‌لار بیرلیگی‌نین استراسبورگ‌دا بیناسی‌نین آچیلیشینی دا رئال‌لاش‌دیرا‌جاق.

عدالت ناظیری بکیر بوزداغین ایستراسبورگ‌دا کئچیردیگی گؤروشمه‌لرده، فتح الله‌‌چی ترور تشکیلاتی (فتو)'نون 15 ژوئیه خائین کودتا گیریشیمینه باغلی اینکیشاف‌لار دا اله آلینا‌جاق.

استراسبورگ‌داکی سفرین‌دن سونرا آلمانیایا حرکت ائده‌جک اولان بوزداغ، بادن-بادن شهرینده تشکیل ائدیله‌جک توپلانتیدا، تورک وطنداش‌لارینا خیطاب ائده‌جک.