تورکیه شدتله قینادی
"سالدیرینی شدتله قیناییر، دوست و قارداش پاکیستان خالقی و حکومتی ایله دایانیشما دویغولاریمیزی ایفاده ائدیریک"
تورکیه، پاکیستانین پنجاب ایالتی‌نین مرکزی لاهورداکی بیر رستوراندا میدانا گلن ترور سالدیریسینی "شدتله" قینادی.
خاریجی ایشلر باخانلیغیندان وئریلن یازی‌لی آچیقلامادا، لاهورداکی ترور سالدیریسینین بؤیوک کدرله اؤیرنیلدیگی ایفاده ائدیله‌رک،
"سالدیرینی شدتله قیناییر، دوست و قارداش پاکیستان خالقی و حکومتی ایله دایانیشما دویغولاریمیزی ایفاده ائدیریک" دئییلدی.
آچیقلامادا، باشباخان بینعا‌لی ییلدیریم و پاکیستان باشباخانی نواز شریفین ائش باشقانلیغیندا دونن آنکاراداگ تورکیه-پاکیستان یوکسک سویه‌لی استراتژیک امکداش‌لیق شوراسی‌نین بئشینجی ییغینجاغیندا قبول ائدیلن اورتاق بیلدیریده ده قوت‌لی شکیلده وورغولاندیغی کیمی، ایکی اؤلکه‌نین ترورلا مباریزه‌لرینی قرارلی شکیلده داوام ائتدیرجیی و بو قونودا امکداش‌لیغی گوجلندیره‌جگی بیلدیریلدی.
پاکیستان خالقی‌نین آجی‌سی‌نین اورک‌دن پایلاشیلدیغی ایفاده ائدیلن آچیقلامادا، سالدیریدا حیاتینی ایتیرینلره الله‌دان رحمت، یاخین‌لارینا باش ساغ‌لیغی و یارا‌لی‌لارا عاجل شفا دیلکلری یئر آلدی.
لاهوردا بیر رستوراندا دونن میدانا گلن پاتلامادا 8 نفرین اؤلدوگو، 21 نفرین یارالاندیغی بیلدیریلمیشدی.
