"تورکیه، ناتویا اؤنچولوک ائده‌بیلر"
شویگو، تورکیه‌نین ترورلا مباریزه کوالیسیونو قورولماسی قونوسوندا ناتویا اؤنچولوک ائده‌بیله‌جیینی قید ائتدی
روسیا ساوونما باخانی سرگئی شویگو، ناتویا اؤنچولوک ائده‌بیله‌جیینی ایفاده ائتدیگی تورکیه ایله امکداشلیغین، بؤلگه‌سل ثابیتلیگین دستکلنمه‌سی باخیمین‌دان اؤنملی اولدوغونو سؤیله‌دی.
روسیا خاریجی ایشلر باخانلیغینا باغلی موسکوا اولوسلارآراسی ایلیشکیلر اونیورسیته‌سینده تشکیل ائدیلن فورومدا دانیشان شویگو، تورکیه ایله امکداش‌لیق و ناتو قونوسوندا آچیقلاما‌لار وئردی.
تورکیه ایله حربی تکنیکی امکداش‌لیق ساحه‌سینده بؤیوک بیر چالیشما یئریدیلدیگینی و بونون ایکی اؤلکه رهبرلیگی طرفین‌دن دستکلندیگینی ایفاده ائدن شویگو، تورکیه‌نین ترورلا مباریزه کوالیسیونو قورولماسی قونوسوندا ناتویا اؤنچولوک ائده‌بیله‌جیینی قید ائتدی.
ناتو ایله کوره‌سل گوونلیک قونولاریندا دیالوگا حاضر اولدوق‌لارینی ایفاده ائدن شویگو، بونا قارشی‌لیق ناتونون روسیا سینیرلارینداکی حربی وارلیغینی آرتیرماغا داوام ائتدیگینی سؤیله‌دی.
روسیا ساوونما باخانی، اؤلکه‌سی‌نین دونیا سلاح صادراتیندا ایکینجی سیرادا اولدوغونو دا ایفاده ائده‌رک، 60دان چوخ اؤلکه‌یه تخمینا 15 میلیارد د‌لارلیق سلاح ساتیشی حیاتا گئچیردیک‌لری معلوماتینی پایلاشدی.
