جمهور باشقانی اردوغان عمره زیارتینده

تورکیه پرزیدنتی رجب طیب اردوغان رسمی گؤروش‌لر کئچیرمک اوچون گئتدیگی سعودی عربیستانیندا کعبه-نی زیارت ائتدی.

اردوغان مدینه‌ده حضرت محمدین مزاری‌نین اولدوغو مسجید-ی نبوینی زیارت ائتدیک‌دن سونرا جده کرال عبدالعزیز اولوسلار آراسی هاوا لیمانینا گئتدی.

عمره عبادتی اوچون ماشین یولو ایله مکه‌یه گئدن اردوغان گئجه ساعت‌لاریندا مسجید الحرامی زیارت ائتدی.

پرزیدنت اردوغانین خانیمی امینه اردوغان، تورکیه سلاح‌لی قوه‌لری‌نین باش قرارگاه رئیسی ژنرال خلوصی‌ آکار، ایقتیصادیات ناظیری نیهات زیبکجی، انرژی و طبیعی قایناق‌لار ناظیری برات آلبایراک ایله میللی تهلوکه‌سیزلیک تشکیلاتی‌نین رهبری هاکان فیدان دا اردوغانلا بیرلیکده عمره زیارتینی حیاتا کئچیردی‌لر.

عمره زیارتینی تاماملایان اردوغان سعودی عربیستانی کرا‌لی‌نین قوناق ائوینه گئتدی.