ت.ر.ت قاچقین‌لارین سسی اولا‌جاق
ت.ر.ت بلگه‌سل فیلم‌لر، آنیماسیون فیلم‌لری و اوزه ل پروقرام‌لارلا سوریه-لی قاچقین‌لارین سسی اولا‌جاق.
تورکیه رادیو تلویزیون قورومو (ت.ر.ت) سایه‌سینده قاچقین‌لارین سسی دونیادا داها گوج‌لو چاتاجاق.
ت.ر.ت بلگه‌سل فیلم‌لر، آنیماسیون فیلم‌لری و اوزه ل پروقرام‌لارلا سوریه-لی قاچقین‌لارین سسی اولا‌جاق.
بو ساحه‌ده آپاریلا‌جاق ایشلرله علاقه‌دار ت.ر.ت ایله تورکیه نین طبیعی فلاکت‌لر و فوق العاده حال‌لار ایداره‌سی (آفاد) آراسیندا امکداش‌لیق پروتوکولو ایمضالاندی.
پروتوکول چرچیوه‌سینده آفاد-ین سوریه-لی قاچقین‌لار اوچون گؤردوگو ایشلرTRT World واسطه‌سی ایله اولوسلار آراسی عالمده تانیدیلا‌جاق.
دوشرگه‌لرده یاشانان‌لار، دوغوم‌لار، اؤلوم‌لر، یاش‌لی قاچقین‌لارین حکایه‌لری، تحصیل و ساغلیق فعالیت‌لری چرچیوه‌سینده آفاد-ین یاردیم‌لاری ت.ر.ت-نین حاضیرلایاجاغی بلگه‌سل فیلم‌لرین موضوسو اولا‌جاق.
یاشانان آجیلار سوریه‌لی اوشاق‌لارین گؤزوندن آنلاتیلاجاق.
ت.ر.ت سوریه-لی قهرمان اوشاق‌دان بحث ائدن آنیماسیون فیلمی حاضرلایا‌جاق و بو فیلم واسطه‌سیله اوشاق‌لار فلاکت و مصیبت لر باره‌سینده معلومات‌لانا‌جاق‌لار.
ت.ر.ت-نین باش مودیری شنول گؤکا ایمضا مراسیمینده کی نطق‌ینده امکداشلیغین اهمیتین‌دن دانیشدی، ایمضا‌لانان پروتوکولون بون‌دان سونرا گؤروله‌جک گؤزل ایشلره وسیله اولاجاغینی قئید ائتدی.
گؤکا سؤزونه بئله داوام ائتدی:" بو پروتوکولون یاراداجاغی ایمکان‌لارلا هم موختلیف قوروم‌لاری ایشلریمیزه جلب ائده بیله‌جییک، هم ده خصوصیله، قاچقین‌لارلا باغلی ایشلری داها دئتال‌لی بیر شکیلده بوتون دونیایا چات‌دیرا بیله‌جییک" دئدی.
آفاد-ین رهبری مهمت خالص بیلدن ت.ر.ت-نین هر ساحه‌ده آفاد-ین یانیندا اولدوغونو قئید ائده‌رک، بو پروتوکول ایله بون‌دان سونرا گؤروله‌جک ایشلرین داها دونزنلی بیر شکیل آلاجاغینی وورغولادی: " تخمینن 6 ایلدیر کی، جمهور باشقانیمیزین آچیق قاپی سیاستی ایله 3 میلیونا یاخین قاچقینا ائو صاحب‌لیگی ائدیریک. بوتون تشکیلات‌لاریمیزلا، خالقیمیزلا مظلوم‌لارین یانینداییق، اما گؤرولن ایشلرین دونیا‌داکی عکس-صداسی‌نین چوخ یاخشی اولدوغونو دئیه بیلمرم. بون‌دان سونرا، اینشاللاه، ت.ر.ت بونونلا باغلی مسئولیتی بوینونا آلا‌جاق. بو ایستیقامت‌دکی ایشلریمیزدن‌دن بوتون دونیا خبردار اولما‌لی‌دیر دئیه دوشونورم" دئدی.
ایلگیلی‌لی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو باره‌ده تورکیه-نین نقلیات و آلت یاپی ناظیرلیگیندن معلومات وئریلیب.
