طغرل تورکش ژنوده قیبریس موذاکیره‌لرینه قاتیلا‌جاق
باش ناظیر یاردیمجیسی طغرل تورکش قیبریس-دا عادل و دایمی باریش گوروشمه لرینه قاتیلماق اوچون سوئیس-ین ژنو شهرینده‌دیر.
باش ناظیر یاردیمجیسی طغرل تورکش قیبریس-دا عادل و دایمی باریش گوروشمه لرینه قاتیلماق اوچون سوئیس-ین ژنو شهرینده‌دیر.
باش ناظیر بینالی ییلدیریم‌ین تعلیماتی ایله قیبریس موذاکیره‌لرینه قاتیلماق اوچون اؤتن گون ژنو شهرینه گئدن تورکش "گوونلیک و ضمانت‌لر" موضوعسونون موذاکیره اولوندوغو بئش طرفلی کونفرانسا قاتیلان هئیت‌لرله گؤروش‌لر کئچیره‌جک.
قئید ائدک کی، آدا‌داکی پروبلئمه حل یولو تاپماق اوچون ژانویه‌نین 12-ده بیرلشمیش میللترلر تشکیلاتی نین ژنوده کی اوفی‌سی‌نین ائو ییلیگینده باش توتان کونفرانس وئریلن فاصیله‌دن سونرا ضامین اؤلکه‌لر تورکیه، یونانیستان، اینگیلتره ایله قوزیی قیبریس تورک جمهوریتی و قیبریس روم ایجماسین‌دان متخصص و تکنیکی هئیت‌لرین ایشتیراکی ایله دونن یئنی‌دن باشلامیشدی.
بئش طرفلی کونفرانسدا تورکیه‌نی خاریجی ایشلر ناظیرلیگی‌نین مستشاری بویوک ائلچی احمد مختار گون باشقانلیغینداکی هئیت، قیبریس تورک طرفینی ایسه موذاکیرچی اؤزدیل نامی باشقانلیغیندا بیر قروپ تمثیل ائدیر.
