اردوغان، بعشیقه کمپینده‌کی تورک عسگرلری ایله دانیشدی
"آرتیق سیز، بو آندا ظلمون قارشی‌سیندا دورموش ایگیدلر اولا‌راق وارسینیز"
پرزیدنت رجب طیب اردوغان، عراقین موصول شهرینه یاخین بعشیقه کمپینده گؤره‌ولی تورک عسگرلری تلفندا دانیشدی و
"آرتیق سیز، بو آندا ظلمون قارشی‌سیندا دورموش ایگیدلر اولا‌راق وارسینیز" دئدی.
اردوغان، انرژی و طبیعی قایناق‌لار باخانی برات آلبایراق، میلی ساوونما یاخانی فیکری ایشیق و ساغلیق باخانی رجب آکداغ عراق‌داکی بعشیقه کمپینده ایکن، کمپ‌دکی عسگرلرله تلفندا دانیشدی.
اردوغان، بعشیقه‌ده‌کی بوتون عسگرلری قوتلایاراق،
"بعشیقه کمپینده‌کی باشاری‌لارینیزین آرتا‌راق داوامینی دیله‌ییرم. الله یار و یاردیمچینیز اولسون اینشاالله. سیزلر اورادا حقیقان بیر حماسه یازیرسینیز" دئیه دانیشدی.
"ترور هؤرگوتو داعشه سیزلر اورادا جدی معنادا قان قوستوردونوز، اونلارا جدی معنادا حساب سوروشدونوز" دئیین اردوغان، "سوریه‌ده وئریلن مباریزه‌ده ده حقیقتا مین 300 دولاییندا داعش‌لی‌نین ائتکیسیز حالا گتیریلمیش اولماسی، بورادا تورک عسگری‌نین قدرتینی گؤسترمه‌سی باخیمین‌دان چوخ اؤنم‌لی اولموش‌دور" دئیه دانیشدی.
پرزیدنت اردوغان، دوشرگه‌دکی عسگرلره خطاب اولا‌راق بون‌لاری قید ائتدی:
"بوتون بعشیقه کمپینده‌کی عسگریمیزه تورکیه‌دن شخصیم و میلتیم آدینا ان ایچدن دویغولارلا مینتدارلیغیمی بیلدیریرم. سیزلرین اورادا وئرمیش اولدوغو بو ائییتیم، گرک پئشمرگه گرکسه باشقا موصولداکی قارداش‌لاریمیز اولسون بؤلگه‌نین باریشی اوچون، بؤلگه‌دکی گلیشمه‌لره اولوملو قاتقی‌لار نقطه‌سینده چوخ بؤیوک فایداسی اولا‌جاق.
آرتیق سیز بو آندا ظلمون قارشی‌سیندا دورموش ایگیدلر اولا‌راق وارسینیز. اورادا ائییتیم وئرن گوج‌لریمیزی تبریک ائدیرم. بو آنا قدر ده چوخ بؤیوک باشارییلا بعشیقه کمپینده‌کی پروسه داوام ائدیر. سایین باشباخانیمیزین مرکزی یؤنه‌تیمله ائتدیگی دانیشیق‌لار وئریملی کئچدی، خبرلرینی آلدیم. دؤندوک‌دن سونرا بون‌لارین دگرلندیرمه‌سینی ده ائدجییک و یئنی یئنی چوخ داها خیرلی آددیم‌لاری اینشاالله بؤلگه‌ده آتاجاییق. من سیزلری تکرار تبریک ائدیرم. بیر اولون، بیرلیکده اولون، ایری اولون، قارداش اولون، همیشه بیرلیکده تورکیه اولون. "
باشباخان بینع‌لی ییلدیریم دا، تلفن ایله، بعشیقه کمپینده‌کی عسگرلره باشاری دیلک‌لرینی چاتدیردی.
