ایستانبول‌داکی تروریست سادیریلاردا شهید اولانلار سون یولجولوقلارینا اوغورلانیرلار

ایستانبول‌دا، دونن آخشام چئویک قوت پولیسلرینی هدف آلان  2 آیری تروریست سادیریدا شهید اولانلارین ساییسی 38'ه یوکسلدی.

تورکیه ایش ایشلر ناظیری سلیمان سویلو،

"ان سون آلدیغیمیز بیلگیلره گؤره چرچیوه‌سین‌ده دونن آخشامکی منفور سالدیریدا شاهیدلیگه چاتمیش وطن اولادلاریمیز 38 اولدو. بونلارین 30-و پولیس مأمورو و امنیت ایشچی‌سی، 7سی سیویل وطنداشیمیز، بیرینین ایسه هویتی هله تثبیت ائدیله بیلمه‌دی." دئدی.

ایچ ایشلر ناظیری سویلو، سالدیرینین درحال سونرا ۱۰ نفرین، داها سونرا دا ائدیله‌ن عملیاتلار نتیجه‌سین‌ده ۳ نفرین داها نظارته آلیناراق، عمومیتده 13 نفر نظارته آلیندیغینی بیلدیردی.

ناظیر سویلو، بئله داوام ائتدی:

"خسته خانالاردا 136 موشاهیده آلتین‌دا وطنداشیمیز وار. 14و آی. سی. یو-دا، ۵ی عملیات‌دا و 155 عمومی خسته خانالاردا بو آندا معالیجه گؤرن، بو حادثه‌ ایله قارشی-قارشییا قالمیش، ساغلام‌لیقلاری اوچون دعا ائتدییمیز وطنداشلاریمیز وار."

ایچ ایشلر ناظیری سلیمان سویلو، دونن آخشام ائتدیگی آچیقلامادا دا سالدیرینین، ترورا قارشی حیاتا کئچیریله‌ن گوجلو موباریزه‌نی باشاریسیزلیغا اوغرادماغی هدفلدیگینی سؤیلمیشدی.

ایچ ایشلر ناظیری سلیمان سویلو، بیری اینتیحار سالدیرقانی طرفین‌دن دیگری ده بومبا یوکلو ماشین ایله اولماقلا، 2 آیری سالدیری تشکیل ائدیلدیگینی آچیقلامیشدی.

حادثه اوزرینه باشکند آنکارادان ایستانبولا کئچن سویلو، خائین و آلچاق بیر پلانلا رئاللاشدیریلمیش بیر حرکتله قارشی-قارشییا اولوندوغونو وورغولاییب.

سویلو-یا، ساغلیق ناظیری رجب آکداغ ایله عائله و سوسیال سیاستلر ناظیری فاطما بتول سایان کایا دا یولداشلیق ائدیر.

خائین سالدیری ایله باغلی ایستانبول پروکورورلوغو طرفین‌دن چوخ یؤنلو سوروشدورما ایجرا ائدیلیر.