مصطفی یئنراوغلو آلمانیادا سفرده دیر

تورکیه‌نین عدالت و اینکیشاف پارتیسی ایستانبول میللت وکیلی و مجلیس اینسان حقوق‌لاری کمیسیونونون صدری مصطفی یئنراوغلو آلمانیانین پایتاختی برلین-ده کی گؤروش‌لری چرچیوه‌سینده اول برلین سفیرلیگینده تورک و خاریجی ژورنالیست‌لرله بیر آرایا گلدی.

 تورکیه-آلمانیا علاقه‌لری، ترورلا موباریزه و فتح الله چی ترور تشکیلاتی پارالل دؤولت یاپیلانماسینین (فتو / پ.د.ی) 15 ژوئیه ده کی دؤولت چئوریلیش جهدی حاقیندا آلمان مطبوعاتی‌نین بیرطرف‌لی خبر آنلاییشینی تنقید ائدن یئنراوغلو آلمان سیاستچی‌لری‌نین ده تورکیه ایله داها چوخ هم رای‌لیک ایچینده اولماسینی آرزو ائتدیگینی ایفاده ائتدی.

ینئراوغلو آوروپا اؤلکه‌لرینده بولوجو ترور تشکیلاتی پ.ک.ک-نین عضوو اولان تروریستلره فینانس قایناغی الده ائتمه، ترور حرکت‌لرینده ایستیفاده اوچون گنج‌لری آلدادا‌جاق متودلاری‌نین دایاندیریلماسی‌نین واجیب‌لیگینی قئید ائتدی.

ینئراوغلو آلمانیانین تورکیه‌نی ترورلا موباریزه مسئله‌سینده یالنیز سؤزده دئییل، عینی زاماندا عملده ده دستکلمه‌سینین واجیبلیگینی دئدی.

آلمانیانین پ.ک.ک-نین اعتبارلی لیمانی موقع یندن چیخاردیلماسی مسئله‌سینده داها چوخ سعی گؤستریلمه‌سی‌نین لازیم اولدوغونو وورغولایان ینئراوغلو: "اینسان حقوق‌لاری ایددیاسییلا اورتایا چیخان‌لار یاشاماق حقوقونون قورونماسی نقطه‌سینده داها حساس اولدوق‌لارینا تورک میللتینی ایناندیرما‌لی‌دیرلار" دئدی.

ینئراوغلو برلین گؤروش‌لرینده تورک-آلمان پارلامئنتلرآراسی قروپون رهبری میشل مونتفرینگ، آلمانیا خریستیان دئموکرات‌لار بیرلیگی‌نین عضوو، میللت وکی‌لی اولیور ویتکه و آلمانیا فدرال مجلیسی اینسان حقوق‌لاری و اینسانی یاردیم کمیسیونونون صدری میکائیل براند ایله گؤروشون‌دن سونرا تورکیه‌نین برلین سفیرلیگینده تورکیه غیری-حکومت تشکیلات‌لاری‌نین نماینده‌لری ایله بیر آرایا گلدی.