جمهور باشقانی اردوغان اسرائیل تلویزیونونا موصاحیبه وئردی
تورکیهنین پرزیدنتی رجب طیب اردوغان اسرائیل-ین غزه-یه تشکیل ائتدیگی هوجومدا مینلرله اینسانین اؤلدوگو آنی اونوتماغین مومکون اولمادیغینی بیلدیرهرک، هیتلر-ینده، اسرائیل-ینده ائتدیکلرینه حاق وئرمدیگینی سؤیلهدی.
![جمهور باشقانی اردوغان اسرائیل تلویزیونونا موصاحیبه وئردی](http://cdn.trt.net.tr/images/xlarge/rectangle/885d/7113/d9db/5833cd592e186.jpg?time=1718954013)
آنکارادا اسرائیل تلویزیونو "کانال 2"یه موصاحیبه وئرن اردوغان فتح الله چی ترور تشکیلاتی پارالل دؤولت یاپیلانماسینین (پ.د.ی / فتؤ) 15 ژوئیهده کی دؤولت چئوریلیشی جهدی، اسرائیل-تورکیه علاقهلری، اسرائیل-فیلیسطین مسئلهسی، ترور تشکیلاتی داعش-ه قارشی موباریزه و دونالد ترامپ-ین آمریکانین پرزیدنتی سئچیلمهسی کیمی موضوعلاری دیرلندیردی.
15 ژوئیه دؤولت چئوریلیشی جهدی بارده معلوماتلاندیریلدیقدان سونرا یاشادیقلاری حاقیندا دانیشان پرزیدنت اردوغان:" 15 ژوئیه آخشامیندا ایلک آرادیقلاریم باش ناظیر، کشفیات ایشلری عذره مشاویر، باش قرارگاه رئیسی اولدو. لاکین بو اسنادا، ایلک نؤوبهده، مئدیا و فیسبوک واسطهسی ایله بوتون خالقیما مراجعت ائتمهین واجیبلیگینه ایناندیم " ایفادهلرینی ایشلتدی.
اردوغان اسرائیل ژورنالیستی ایلانا دایانین مارماریسدن ایستانبولا گئدرکن چئوریلیش ائدنلرین اف16-لاردان اونلارا آتیش ائدهبیلهجگینی دوشونوب –دوشونمهدیگی ایله باغلی وئردیگی سوالا :"دوشوندوک، اما بیز بونا اینانمیشیق. هئچ اؤلمهیهجکمیش کیمی دونیایا، هر آن اؤلجکمیش کیمی ابدی عالمه حاضیرلیقلی اولاجاغیق، بیز بو یولا بئله چیخدیق. لیدئر اگر بیر داشین، بیر قایانین آرخاسینا گیزلنسه، جمعیت، میللت داغین آرخاسیندا گیزلنر. اونون اوچون لیدئر هر زامان دیک دایاناجاق، اؤنده اولاجاق کی، اونا اینانان میللتی ده اونون آرخاسی ایله گئتسین" دئیه دانیشدی.
آپاریجینین: "ایندی ایجازهنیزله سیزه چتین سواللار وئرمک ایستییرم" جملهسینه جاواب اولاراق پرزیدنت اردوغان:"بو آنا قدر وئردیگینیز سواللار آسان ایدیمی؟" دئدی.
اردوغان فتؤ-نون چئوریلیش جهدینه وئریلن رئاکسیانین شیشیردیلمیش اولماسینا دایر تنقیدلرین خاطیرلادیلماسیندان سونرا بونلاری قئید ائتدی: "تورکیه چوخ چئوریلیشلر یاشادی و بوتون بونلارین یاشاندیغی آنلاردا تورکیهنین اؤددیکلری چوخ آغیر اولدو، اما هئچ بیریسی بو چئوریلیش جهدینین قارشیسیندا تورک میللتینین گؤستردیگی رئاکسیانی گؤرمهدی. ایلک دفعه اولاراق بیر چئوریلیش جهدی میللت طرفیندن دارماداغین ائدیلدی. بو چئوریلیش جهدینی حیاتا کئچیرن فتح الله چی ترور تشکیلاتیدیر.. بونلار 40 ایل مدتینده دؤولتین موختلیف تشکیلاتلارینی، سلاحلی قوهلری، پلیسی، محکمهنی، ناظیرلیکلری، بوتون بورالاری اله کئچیرمهیه چالیشیبلار".
چیخیشی زامانی آپاریجینین تکرار آرایا گیرمهسینه رئاکسیا وئرن تورکیه پرزیدنتی: "ایندی ایسترسه نیز بئله بیر اصول تعقیب ائدک؛ اگر سؤزوم تئز-تئز کسیلرسه تاماشاچیلار راحتلیقلا بو موصاحیبهنین نتیجهسینی گؤره بیلمزلر" دئیهرک سؤزلرینه داوام ائتدی:"بو ترور تشکیلاتی گلهجهیه یونلیک اوردوموزون ایچریسینده کیم بیلیر داها هانسی ایشلر چئویرهجکدی. پلیس اورگانلاریندا، دؤولتین بیر چوخ ناظیرلیکلرینده ایندی ائله حیله لر، ائله یالانلار اورتایا چیخیر کی، داواملی بونلاری تمیزلمک مجبوریتیندییک".
پرزیدنت اردوغان، سون دؤورده تورکیه - اسرائیل علاقهلرینین نورماللاشدیریلماسی سعیلرینه دا توخوندو.
بو پروسئسین باشلانماسینین اوزریندن اوزون زامان کئچدیگینی خاطیرلادان پرزیدنت اردوغان (31 مای 2010-جو ایل تاریخینده 9 آدامین حیاتینی ایتیردیگی 50-دن چوخ آدامین یارالاندیغی غزه-یه اینسانی یاردیم آپاران ماوی مرمره گمیسینه اسرائیل طرفیندن ائدیلن هوجومدان سونرا) ماوی مرمره حادثهسیندن سونرا اسرائیل-ین اوچ ماددهنین یئرینه یئتیرمهسینی طلب ائتدیگینی سؤیلهدی. باش ناظیر بنیامین نتانیاهو-نون اونا زنگ ائدهرک عذر ایستهدیگینی، تضمینات دا اؤدنیلدیگینی، غزه-نین محاصرهسینین ده بؤیوک احتیماللا آرادان قالدیریلاجاغینی دوشوندوکلرینی قئید ائدن اردوغان،نورمال موناسیبتلره جدی شکیلده یاخینلاشیلدیغی فیکرینده اولدوغونو سؤیلهدی.
تورکیه پرزیدنتی "حماس-ین اسرائیل-ه یونلیک سیلاح ایستیفاده ائتمهیهجگینه ضمانت وئره بیلرسینیزمی؟" سوالینا:"سیز اسرائیل-ین آدینا بو سیلاحلا غزه –نین وورولمایاجاغینی منه سؤیلهیه بیلرسینیزمی؟" شکلینده رئاکسیا گؤستردی.
اردوغان "حماس-ین داواملی اولاراق سیویل وطنداشلارا قارشی هوجوملار تشکیل ائتدیگینی اونودورسونوز." ایفادهسینه جاواب اولاراق: "اسرائیل-ین غزه-نی بومبالادیغی زامان نئچه وطنداشین اؤلدوگونه ده باخیلمالیدیر" دئدی.
"اسرائیل حماسی ترور تشکیلاتی اولاراق گؤردوگو بیر وضعیتده حماس حلین بیر پارچاسی اولمالیمیدیر؟" سوالینا پرزیدنت اردوغان:"حماس منه گؤره بیر ترور تشکیلاتی دئییل. حماس بیر دیریلیشین اورتایا قویدوغو سیاسی حرکتدیر" جاوابینی وئردی.
اردوغان اسرائیل-فیلیسطین دانیشیقلاریندا یئنیدن آرابولوجو اولماق ایستکی بارهده وئریلن سوالا:"بیزدن بئله بیر شئی طلب ائدیلدیگی زامان نیه قبول ائتمهیک ؟ بیزیم بوتون دردیمیز او بؤلگهده باریشین برقرار اولماسیدیر. اما اسرائیل ایکی دؤولتلی حله یاخینلاشیرمی؟ یاخینلاشمیر. نیه یاخینلاشمیر؟ او تورپاقلارین صاحبی اسرائیل دئییل. بونو بیر کنارا آتامازسینیز" دئدی.
پرزیدنت اردوغانا اسرائیل-ین 2014-جی ایلدکی غزه –یه هوجومو اسناسیندا دئدیگی "اسرائیل هیتلردن داها بؤیوک باربارلیق ائتدی" سؤزلری خاطیرلادیلاراق، بونلاری سؤیلدیگی اوچون پئشمان اولوب- اولمادیغینا دایر وئریلن سوالا:" طبیعی کی، بو، گونه گؤره دگیشیر. غزه-نین ووردولدوغو زامان اورادا یوزلرله، مینلرله آدامین اؤلدوگو آنی منیم اونوتمام مومکون دئییل. من هیتلرین ائتدیگینه ده حاق وئرمیرم، اسرائیل-ین ائتدیکلرینه ده” دئیه جاواب وئردی.
ایلگیلیلی خبرلر
![ترورلا موباریزه قطعیتله داوام ائدیر](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718954013)
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب