حولوصی آکار: بوتون دونیا عکسینی سؤیله‌سه ده ارمنی سویقیریمی اولمادی
آکار، ایستانبولدا داوام ائدن ناتو پارلامنترلر توپلانتیسی‌نین 62. عمومی قورولون‌داکی ساوونما و امنیت کومیته‌سی کونفرانسیندا بیر چیخیش ائتدی
تورکیه باش قرارگاه باشقانی ژنرال حولوصی آکار، بوتون دونیا عکسینی سؤیله‌سه ده ارمنی سویقیریمی اولمادیغی حقیقتی‌نین دییشمیه‌جگینی سؤیله‌دی.
آکار، ایستانبولدا داوام ائدن ناتو پارلامنترلر توپلانتیسی‌نین 62. عمومی قورولون‌داکی ساوونما و امنیت کومیته‌سی کونفرانسیندا بیر چیخیش ائتدی.
داها سونرا سؤز آلان ارمنی میللت وکیلی کوریون ناهاپتیان، سؤزده ارمنی سویقیریمینی 26 اؤلکه‌نین تانیدیغینی ایفاده ائده‌رک، بو موضوعدا هر هانسی بیر سوروشدورمایا یئر اولمادیغینی ادعا ائتدی.
بونون اوزرینه حولوصی آکار؛
"16-جی عصرده قالیله دونیا دؤنور دئدیگینده، بوتون دونیا، دؤنمور دئییردی. بو هئچ بیر زامان دونیانین دؤندوگو گئرچگینی دییشدیرمه‌دی. بو سبب‌دن بوتون اؤلکه‌لر 'سویقیریم وار دئسه بئله، سویقیریم اولمادیغی گئرچگینی دییش‌دیره بیلمز" جوابین وئردی.
آکارین، ارمنی میللت وکیلی‌نین تورکیه‌نین سوریه و عراق‌داکی وارلیغینی تنقید ائتمه‌سینه وئردیگی آغیر جواب دا سالون‌دان آلقیش آلدی.
باش قرارگاه باشقانی ژنرال حولوصی آکار، ارمنی نماینده‌نین، حلبه تورکیه‌نین مداخیله‌سی ایله علاقه‌دار ادعاسینا قارشی‌لیق،
"تورک سیلاح‌لی گوجلری‌نین حلب ایله باغلی تک بیر موناسیبتی یوخدور. بیر تک گولله آتدیغینی سؤیله‌ین وار ایسه من ایستعفا ائدیرم. بو تربیّه‌سیزلیک‌دیر، بو یالان‌دیر" دئدی.
آکار آیریجا، تروریزمین اولوسلار آراسی ثابیتلیگین اؤنون‌دکی ان بؤیوک مانع اولدوغونو، تورکیه‌نین ده اوزون زامان‌دیر فتو، داعش، پ.ک.ک، پ.ی.د و ی.پ.گ ایله موباریزه ائتدیگینی، بو تشکیلات‌لارین تورکیه، ناتو و دونیا اوچون تهدید اولدوغونو ایفاده ائتدی.
آکار، ترورلا موباریزه‌ده جیدی آددیم‌لار آتیلدیغینی و سوریه‌ده داوام ائدن فیرات قالخانی حرکاتینی ایضاح ائده‌رک، "امین اولون سیزلرین بودجه‌لرینیزدن بیزه وئردیگی پولون بیر دول‌لارینی، بیر قوروشونو بوشا خرجلمیریک" ایفاده‌لرینی ایستیفاده ائتدی.
ژنرال حولوصی آکار، فتح الله‌چی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیه‌ده کودتا گیریشیمینه ده توخونا‌راق اوزلارینی زیارت ائدن، تلفوندا گؤروشن و دستک وئرن‌لره تشککور ائتدی.
ناتو-نون، تورکیه اوچون رفتاری‌نین چوخ اهمیت‌لی اولدوغونو دا وورغولایان آکار، تورکیه‌نین ناتو ایله امکداشلیغین گوجلنه‌جگینی سؤیله‌ییب.
ایلگیلی‌لی خبرلر
نومان کورتولموش سوریه‌ده تاریخی دؤنوشون شاهیدی اولدوغونو بیلدیریب
تورکیه بؤیوک میللت مجلیسینین صدری نومان کورتولموش سوریه‌ده تاریخی دؤنوشون شاهیدی اولدوغونو بیلدیریب.
