عمر چلیک مارتین شولتز و فدریکا موگرینی ایله گوروشدو
آوروپا بیرلیگی ناظیری عمر چلیک بروکسل-ده آوروپا پارلامنتی‌نین صدری مارتین شولز و آوروپا بیرلیگی‌نین خاریجی علاقه‌لر و گوونلیک سیاستی عذره یوکسک نماینده سی فدریکا موگرینی ایله گؤروشدو.
آوروپا بیرلیگی ناظیری عمر چلیک بروکسل-ده آوروپا پارلامنتی‌نین صدری مارتین شولز و آوروپا بیرلیگی‌نین خاریجی علاقه‌لر و گوونلیک سیاستی عذره یوکسک نماینده سی فدریکا موگرینی ایله گؤروشدو.
ناظیر گؤروش‌لردن سونرا کئچیردیگی مطبوعات کنفرانسیندا دئدی کی، اول‌دن پلان‌لاش‌دیریلان بروکسل-ه سفریمده تورکیه‌نین دوشونجه‌لرینی آچیق-آشکار ایفاده ائتمه ایمکانی تاپدیم. موجود وضعیت تورکیه-آوروپا بیرلیگی علاقه‌لری‌نین ان حساس دؤورودور. چوخ زماندیر آوروپا بیرلیگی طرفیندن تورکیه‌یه قارشی تأسف کی، هئچ واخت قبول ائده بیلمه‌یه جگیمیز سیستم‌لی آچیقلاما‌لار یاییم‌لانیر. سون اولاراق تورکیه باره‌سینده حاضرلانان ایره لیلییش راپوروندا اویغون اولمایان موضوع لار قئید اولوندو. راپورداکی بعضی ایفاده‌لر گؤستریر کی، بونو حاضرلایان‌لار تورکیه‌دکی مسئله‌لری تام معناسی ایله باشا دوشمه‌ییب‌لر.
تورکیه‌یه قارشی اورتایا قویولان بو موقع‌نین قبول ائدیلمز اولدوغونو وورغولایان عمر چلیک تورکیه‌نین تاریخ بویونجا بیر آوروپا دؤولتی و 100 ایلدیر ده گوج‌لو بیر آوروپا دئموکراسی‌سینه صاحب اولدوغونو سؤیله‌دی.
فتح الله چی ترور تشکیلاتی‌نین 15 ژوئیه‌ده کی چئوریلیش جهدی زامانی خالقین اورتایا قویدوغو مقاومتین بوتون دئموکراسی‌لره نمونه تشکیل ائتدیگینی دیله گتیرن ناظیر دئدی کی، قارشی-قارشییا اولدوغوموز شرط‌لرده تورکیه و آوروپا بیرلیگی آراسیندا داها گوج‌لو بیر همرای لیک و مکانیزم‌لرین یارادیلماسی واجیب‌دیر. تورکیه‌یه قارشی منفی سیاست ایزلنمه‌سی بو مرحله‌ده دوزگون اولمایان بیر موقع‌دیر. تورکیه‌نین آتدیغی آددیم‌لار دوغرو باشا دوشولمه‌لی‌دیر.
آوروپا بیرلیگی ناظیری عمر چلیک اونو دا وورغولادی کی، ترور تشکیلاتی پ.ک.ک و فتح الله چی ترور تشکیلاتی (فتو) کیمی عنصورلارین آوروپا جغرافیاسیندا راحت شکیلده حرکت ائتمه‌سی، پ.ک.ک-نی تعریفله‌ین بعضی سرگی‌لرین آوروپا شوراسیندا نوماییش ائتدیریلمه‌سی آوروپا اتفاقی‌نین تمثیل ائتدیگی دیرلر باخیمین‌دان ضدیت تشکیل ائدیر. بون‌لار قبول ائدیلمزدیر.
آوروپا اتفاقی‌نین قونشولوق سیاستی و گئنیشلنمه دانیشیق‌لاری عذره کمیسری یوهانس هان-نین تورکیه‌یه قارشی موقعینی ده تنقید ائدن ناظیر بیلدیردی کی، گئنیشلمه عذره کمیسر تورکیه گوندمده اولدوغو واخت گئنیشلمه‌یه مانع اولا‌جاق شکیلده حرکت ائدیر. حالبوکی اونون وظیفه‌سی اتفاقین گنیشلمه‌سینه ایمکان یاراتماق‌دیر. هئچ کس اؤزونون ایدئولوژی دوشونجه‌لرینی و اؤز سیاسی یاناشما‌لارینی آوروپا اتفاقی قوروم‌لاری‌نین آرخاسینا گیزلنه‌رک ایفاده ائتمه‌مه‌لی‌دیر.
داوام ائدن ترور سوروشدورمالاریندا ایفاده وئرمه‌یه گئتمه دیگینه گؤره حاقیندا توتولما قراری قبول ائدیلن خالق‌لارین دئموکراتیک پارتیسی‌نین شیرناک میللت وکیلی فایسال ساری یلدیز ایله هان-نین گؤروشونه ده رئاکسیا گؤسترن عمر چلیک بیلدیردی کی : "کمیسرین تورکیه‌نین حساس اولدوغو موضوع لارا زیان وورا‌جاق شکیلده گؤروش‌لر کئچیرمه‌سی، تورکیه‌ده محکمه قراری ایله آختاریشدا اولان شخص‌لرین کمیسرین وظیفه‌سی اولمادیغی حالدا اونون طرفیندن قبول ائدیلمه‌سی و بونو تورکیه‌نین گؤزونه سوخا‌جاق شکیلده اورتایا قویماسی قبول ائدیلمزدیر. بو،"بیز تورکیه ایله علاقه‌لرین منفی ایستیقامتده ایره‌لیلمه‌سینی ایستییریک" معناسینی داشیییر.
"بو نقطه‌ده آوروپا اتفاقی‌نین تورکیه‌یه قارشی ایستیفاده ائتدیگی منفی ایفاده‌لر و تورکیه‌یه قارشی یاناشماسیندا ساده‌جه منفی سؤزلر اوزرین‌دن دانیشماسی آرا‌داکی پروسئسده آددیم آتیلماسینا مانع اولور. بو پروسئسده بون‌دان سونرا بو طرز ایره‌لیلمک غیری-مومکون‌دور. تروریستلرین گئری قایتاریلماسیندا آددیم‌لار آتیلما‌لی، پ.ک.ک و فتو منسوب‌لاری‌نین فعالیتلری محدود ائدیلمه‌لی‌دیر. آیریجا فعال شکیلده هم رای لیک گؤستریلمه‌لی‌دیر."-دئیه آوروپا بیرلیگی ناظیری عمر چلیک وورغولادی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
