اردوغان: " بیزیم اولچومیز، اؤلکه‌میزین و میللتیمیزین منفعتی‌دیر"
تورکیه‌نین جمهور باشقانی: "بون‌دان سونرا بیزیم اوچون "او نه دئیر، بو نه دئیر؟" دئیه بیر اؤلچو یوخ‌دور. آرتیق بیزیم اولچومیز، اؤلکه‌میزین و میللتیمیزین منفعتی‌دیر" دئدی.
تورکیه‌نین پرزیدنتی رجب طیب اردوغان خالق‌لارین دئموکراتیک پارتی‌سین‌دان (ح.د.پ) اولان میللت وکیل‌لری‌نین گوزآلتینا آلینماسی و توتولماسینی دیرلن‌دیره‌رک: " توخونولمازلیق‌دان ایستیفاده ائده‌رک مجلیسه، دؤولته، میللته، محکمه‌یه میدان اوخویان‌لارین، حتی تحقیر ائدن‌لرین مقصدی تورکیه‌نی اولوسلارآراسی آلاندا چتین وضعیته سالماق‌دیر. آچیق-آیدین دئییرم. منیم بو نوع اولوسلارآراسی هوجوم‌لارلا باغلی هئچ بیر قورخوم، ناراحاتچیلیغیم یوخ‌دور. منیم اوچون اصل اولان میللتیم‌دیر "دئدی.
ایستانبول اوسکودار ساغلیق بیلیملری اونیورسیته‌سی فخری دوکتور آدینی آلان و آکادمیک خسته خانانین آچیلیش مراسیمینده چیخیش ائدن اردوغان تورکیه‌نین سون 3 ایلده یاشادیغی اولای‌لار سببین‌دن آرتیق حادثه‌لره باخیش آچیسینی دگیشدیرمیش و اؤزونه یئنی یول سئچمیش بیر اؤلکه اولدوغونو قئید ائتدی.
تورکیه‌نین جمهور باشقانی: "بون‌دان سونرا بیزیم اوچون "او نه دئیر، بو نه دئیر؟" دئیه بیر اؤلچو یوخ‌دور. آرتیق بیزیم اولچومیز، اؤلکه‌میزین و میللتیمیزین منفعتی‌دیر" دئدی.
آوروپا‌دان گلن تنقیدلره ده رئاکسیا گؤسترن پرزیدنتی اردوغان، "ایفاده‌یه چاغیریلان معلوم پارتی‌نین میللت وکیل‌لرینه بونلیک سوچلامالارا باخدیغیمیزدا ماشینی ایله ترور تشکیلاتینا سلاح داشیماق‌دان تروریست داشیما، کوریینی ترور تشکیلاتینا دایادیغینی اعلان ائتمه‌یه قدر هر شئی وار. بو ائیلملرین ایفاده‌لرین هئچ بیری ده میللت وکیلی وظیفه‌سی و صفتی ایله ایلگیلی دئییل. اگر سیز میللت وکیلی کیمی دئییلده تروریست کیمی حرکت ائدرسینیز البته تروریست کیمی معامله گؤررسینیز "دئیه دانیشدی.
ایلگیلی‌لی خبرلر
هاکان فیدان ناتو توپلانتی‌سینا قاتیلا‌جاق
هاکان فیدان ناتو غیری-رسمی خاریجی ایشلر ناظیرلری توپلانتی‌سینا قاتیلا‌جاق.
