آنکارادا تورکیه-چین حکومتلراراسی امکداشلیق کومیتهسینین ایلک توپلانتیسی کئچیریلدی
تورکیه باش ناظیرینین معاوینی مهمت شیمشک ایجلاسدان سونرا چین باش ناظیرینین معاوینی وانگ یانگ ایله اورتاق مطبوعات کونفرانسی کئچیردی.
![آنکارادا تورکیه-چین حکومتلراراسی امکداشلیق کومیتهسینین ایلک توپلانتیسی کئچیریلدی](http://cdn.trt.net.tr/images/xlarge/rectangle/e748/cea5/b6a6/581c624043108.jpg?time=1719014435)
آنکارادا تورکیه ایله چین آراسیندا باش ناظیر معاوینیلری سویهسینده امکداشلیق کومیتهسینین ایلک ایجلاسی کئچیریلدی.
تورکیه باش ناظیرینین معاوینی مهمت شیمشک ایجلاسدان سونرا چین باش ناظیرینین معاوینی وانگ یانگ ایله اورتاق مطبوعات کونفرانسی کئچیردی.
مهمت شیمشک ایجلاسدا ایکی اؤلکه موناسیبتلرینین گئنیش بیر شکیلده موذاکیره اولوندوغونو و سیاسی موناسیبتلرین قارشیلیقلی گوون و فایدا اساسیندا داها دا اینکیشاف ائتدیریلمهسی بارهسینده راضیلیق الده اولوندوغونو بیلدیردی.
چین ایله تورکیه آراسینداکی گوونلیک امکداشلیغی ساحهسینده آپاریلان ایشلره دقت چکن شیمشک تورکیهنین چین علیهینه هئچ بیر فعالیته ایجازه وئرمهیهجگینی بارهده تعهد ائتدیگینی قئید ائتدی.
شیمشک ایکی اؤلکهنین ایلک کومیته ایجلاسیندا مدنیتدن تحصیله، سیویل هاواجیلیکدان یاتیریم ایمکانلارینا قدر بیر سیرا ساحهده امکداشلیق ایمکانلارینین گئنیش شکیلده موذاکیره اولوندوغونو سؤزلرینه علاوه ائتدی.
ایجلاسا تورکیه مرکزی بانکینین صدری موراد چتینکایا ایله یاناشی، خاریجی ایشلر، ایقتیسادیات، مدنیت و توریزم، عدالت، انرژی و طبیعی ثروتلر، ایچ ایشلری، نقلیات، دنیزچیلیک و خبرلشمه و ساوونما ناظیرلیکلرینین یوکسک وظیفهلی امکداشلاری ایشتیراک ائتدیلر.
باش ناظیرین معاوینی مهمت شیمشک تورکیه ایله چین آراسیندا سیاستدن ایقتیسادیاتا قدر بیر چوخ ساحهده امکداشلیغین اینکیشاف ائتدیریلمهسی مقصدیله یارادیلان "حکومتلراراسی امکداشلیق کومیتهسینین" هم صدریدیر.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719014436)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719014436)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی