تورکیه میشل عونو تبریک ائتدی

خاریجی ایشلر ناظرلیگی‌نین بو باره‌دکی آچیقلاماسیندا بیلدیریلدی کی، لبنادا ایکی ایل یاریم‌دیر بوش اولان پرزیدنت‌لیک پوستونا پارلامنت طرفیندن سئچیلمیش میشل عون-ون تعیین اولماسینی ممنونلوقلا قارشیلاییریق. یئنی پرزیدنت میشل عونو تبریک ائدیر، اونا وظیفه‌سینده باشاریلار دیلییریک.

آچیقلامادا وورغولاندی کی، لبنانین سیاسی حیاتیندا بوتون طرف‌لرین اؤلکه خالقی‌نین منفت‌لری ایستیقامتینده و قانون‌لار چرچیوه‌سینده راضی‌لیق الده ائده‌رک سیاسی بحرانی حل ائتمه‌لری اهمیت کسب ائدیر. آتیلان بو آددیمین بؤلگه‌نین باریش و ثابت‌لیگی باخیمین‌دان موسبت تأثیری‌نین اولماسینا اومید ائدیریک.

خاریجی ایشلر ناظرلیگی‌نین آچیقلاماسیندا او دا قئید اولونوب کی،لبنان-دا پرزیدنتین سئچیلمه‌سیندن سونرا یاخین زاماندا یئنی حکومتین ده فورمالاشماسینی و لبنان خالقی‌نین گؤزلنتی‌لری چرچیوه‌سینده تامامیله فعال حالا گلمه‌سینی دیلییریک. تورکیه لبنانین ثابت‌لیک و گوونلیگینی دستکلمکده داوام ائده‌جک‌دیر.