چاووش اوغلو: "لازیم اولسا قورو عملیاتی دا داخیل هر حاقدان ایستیفاده ائدجییک"
تورکیهنین خاریجی ایشلر ناظیری مولود چاووش اوغلو عیراق-ین موصول شهرینین ترور تشکیلاتی داعش-دن قورتاریلماسی اوچون حیاتا کئچیریلن عملیاتدا لازیم اولسا قورو عملیاتی دا داخیل هر حاقدان ایستیفاده ائدیلهجگینی سؤیلهدی.
![چاووش اوغلو: "لازیم اولسا قورو عملیاتی دا داخیل هر حاقدان ایستیفاده ائدجییک"](http://cdn.trt.net.tr/images/xlarge/rectangle/1f91/970c/bc0b/5801035f26b69.jpg?time=1719135792)
تورکیهنین خاریجی ایشلر ناظیری مولود چاووش اوغلو عیراق-ین موصول شهرینین ترور تشکیلاتی داعش-دن قورتاریلماسی اوچون حیاتا کئچیریلن عملیاتدا لازیم اولسا قورو عملیاتی دا داخیل هر حاقدان ایستیفاده ائدیلهجگینی سؤیلهدی.
بو سوزلری چاووش اوغلو اوزه ل بیر تلویزیون کانالینا موصاحیبهسینده دئدی.
عیراق-داکی وضعیت تورکیهنین گوونلیگینی، ثابتلیگینی تهدید ائدهجک اولارسا، نئجه کی سوریهده داعش-ین یاراتدیغی تهدید آرتیق بیزیم صبریمیزی داشیدیبسا، بورادا سینجار و باشقا بؤلگهلرده بیزه یونلیک تهدید آرتارسا قورو عملیاتلاردا اولماقلا اولوسلار آراسی حقوقدان قایناقلانان حاقلاریمیزی و گوجوموزدن ایستیفاده ائدهرک بیزه یونلیک تهدیدی دفع ائدریک " دئدی.
سوریهنین شیمالینی ترور عنصرلریندن تمیزلنمهسی اوچون تورک سلاحلی قوهلرینین آوقوستون 24-ده باشلاتدیغی فرات قالخانی عملیاتیندا داعش-ه قارشی هر کسله امکداشلیق ائدیلدیگینی ایفاده ائدن چاووش اوغلو، روسیا ایله علاقهلرین نورماللشما پروسئسینه گیردیکدن سونرا ایکی اؤلکه آراسیندا گوجلو بیر مکانیزمین یاراندیغینی ایفاده ائتدی.
مولود چاووش اوغلو، "هر موضوعدا کشفیات پایلاشیمی ائدیلیر. تورکیهنین باش قرارگاه رئیسی روس همکاری ایله متمادی اولارق گوروشور، فرات قالخانی عملیاتینین مقصدی بورانی داعش-دن تمیزلمک و گونللی بؤلگه یاراتماق، حیاتی نورمالا چئویرمک." دئیه دانیشدی.
اراضیده بیلگی پایلاشمانین بیر چوخ اؤلکه ایله آپارایلدیغینی بیلدیرن خاریجی ایشلر ناظیری، ترورا قارشی بیلگی پایلاشمانین هر کسین اساس وظیفهسی اولدوغونو سؤیلهدی.
آمریکا بیرلشمیش دؤولتلرینین ی.پ.گ موضوعسوندا اصرارجی اولماسینی "عاجزلیک " اولاراق دیرلندیرن چاووش اوغلو، "بونون اوچون قورودان قوت قویماق لازیمدیر. آمریکا قوت قویماق ایستمیر. بیز دئییریک کی اراضیده یئرلی گوجلر وار، بونلارا بیز آکتیو دستک وئرک، هارادا عملیات لازیمسه. پ.ک.ک / ی.پ.گ ایله امکداشلیق ائتمک بیر باخیما ترورا دستک وئرمک آنلامینا گلیر. " دئدی.
آمریکانین نیه وئردیگی سؤزو توتمادیغینی سوروشان چاووش اوغلو، 200 نفره (ی.پ.گ منسوبو) گوجونوزمو چاتمیر یوخسا بیلهرک توتورسونوز؟ راککادا دا ی.پ.گ ایله چالیشالیم دئییرسینیز. اورادا دا ائتنیک تمیزلیک ائدهجکلر. بیر ترور دؤولتی می قوردورمایا چالیشیرسینیز؟ آچیقجا دئین، او زامان بیز ده سیزی ترور تشکیلاتینا دستک وئرن بیر اؤلکه اولاراق گؤرک. منبیچ-ده چیخمازلارسا اؤز ایمکانلاریمیزلا چیخارماسینی بیلریک "ایفادهلرینی ایشلتدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719135792)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719135792)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی