تورکیه، ی.پ.گنین کانتونلاری بیرلشدیرمه خیالینا اجازه وئرمهیهجک
ی.پ.گنین کانتونلاری بیرلشدیرمه خیالینا تورکیه، نه باهاسینا اولورسا اولسون ایجازه وئرمهیهجک
میلی ساوونما باخانی فیکری ایشیق، تورکیه، آمریکا و عراق آراسیندا، گرگینلیگین آزالدیلماسی اوچون اوچلو بیر مکانیزمین ایشلهیهجیینی سؤیلهدی.
ترت خبره قوناق اولان فیکری ایشیق، آمریکا ساوونما باخانی اشتون کارترین تورکیه سفرینی دگرلندیردی.
موصولون ترور هؤرگوتو داعشدن قورتاریلماسی اوچون داوام ائتدیریلن عملیاتا بو آندا تورکیهنین هاوا عملیاتییلا قاتیلماسینین بیر پروبلئم اولمادیغینی ایفاده ائدن ایشیق،
"ایرهلیلهین دؤورده احتیاجا گؤره تورکیهنین داها چوخ دستک وئرجیینی اؤزونه ایفاده ائتدیک. بو آرادا عراق، تورکیه و آمریکا آراسیندا گرگینلیگین آزالدیلماسینا دایر بعضی ایشلری بیرلیکده ائتمه قراری دا آلدیق. یعنی 3لو مکانیزمله گرگینلیگین دوشمهسی موصول عملیاتینا تورکیهنین ایشتیراکی ایله ایلگیلی ایشلری بیرلیکده ایجرا ائدجییک" دئدی.
کارترین "تورکیه، عراق ایله اصولا آنلاشدی سؤزلرینی" ده یوروملایان ایشیق،
"گؤروشمهلریمیزین هم پرزیدنت، هم باشباخانیمیزلا ائتدیگی دانیشیقلارین ساحهده یانسیمالارینین اولماسینی گؤزلهییرم. بونو یاخشی بیر گلیشمه اولاراق گؤرمک لازیم" دئدی.
فیکری ایشیق، موصول عملیاتینا هاوا دستیی وئرن تورکیهنین اؤنجهلیکلرینی ده سیرالادی و
"بیزیم استراتژیمیز؛ بیر، بیزیم سرحدلریمیزین گوونلیگینی تامین ائتمک، بو بیزیم اؤنجهلیک. ایکینجیسی داعشی سؤکوب آتماق، اوچونجوسو تورکیهده یاشایان قوناقلاریمیزی اؤز تورپاقلاریندا گوونله یاشاماسینی تامین ائدهجک انسانی تدبیرلری آلماق" دئدی.
موصول عملیاتیندا ائدیلهجک یانلیش حرکتین یئنی بیر کؤچ دالغاسی میدانا گتیرجیینه دقت چئکن ایشیق، بو کؤچ دالغاسینین تورکیهنی دئییل آوروپانی تأثیری آلتینا آلاجاغینی وورغولادی.
میلی ساوونما باخانی، ی.پ.گ ایله مباریزهده ده قرارلیلیق وورغوسو ائتدی.
ی.پ.گنین کانتونلاری بیرلشدیرمه خیالینا تورکیهنین نه باهاسینا اولورسا اولسون ایجازه وئرمهیهجهینی وورغولایان ایشیق،
"بو تورکیهنین قیرمیزی چیزگیسیدیر" دئدی.