تورکیه موصول عملیاتیندا یئر آلاجاق
آمریکا ساوونما باخانی، تورکیه‌نین، عراقین موصول شهری‌نین ترور هؤرگوتو داعشدن قورتاریلماسی عملیاتیندا ایشتیراک ائتمه‌سی قونوسوندا اصولا آنلاشیلدیغینی بیلدیردی
آمریکا ساوونما باخانی اشتون کارتر، تورکیه‌نین، عراقین موصول شهری‌نین ترور هؤرگوتو داعشدن قورتاریلماسی عملیاتیندا ایشتیراک ائتمه‌سی قونوسوندا اصولا آنلاشیلدیغینی بیلدیردی.
کارتر، آنکارادا پرزیدنتی رجب طیب اردوغان، باشباخان بینعلی ییلدیریم و ساوونما یاخانی فیکری ایشیق ایله گؤروشمه‌لرین آردین‌دان اؤزویله سیاحت ائدن ژورنالیست‌لره، تورکیه‌نین، موصولون، ترور هؤرگوتو داعشدن قورتاریلماسیندا رول آلماسی لازیم اولدوغونو، آنجاق بو قونویلا ایلگیلی سون قرارین عراق رهبرلیگی‌نین اونایینی گرکدیردیگینی ایفاده ائتدی.
"ائتدیگیمیز دانیشما‌لارا دایانا‌راق، آرخایینام کی بو اویغولانابیلیرلیکلری بوتون طرف‌لرین حساس‌لیق‌لاری‌نین دقت گؤستره‌جک شکیلده اطراف‌لیجا اله آلا بیلجه‌ییک" دئیین کارتر، تورکیه‌نین بؤلگه‌ده تاریخی بیر رولو اولدوغونو و بونون گرگی اولا‌راق هم سوریه، هم ده عراقدا داعشه قارشی موباریزه‌ده رول آلاجاغینی دیله گتیردی.
تورکیه‌نین دساواشدا چوخ وئریملی اولاجاق شئی‌لر ائده‌بیله‌جگینه ایناندیغینی سؤیله‌ین کارتر،
"عراق، تورکیه‌نین، داعش قارشیدی کوالیسیونون بیر عضوو اولدوغونون و عراق‌داکی داعشله موباریزه عملیات‌لاریندا رول آلاجاغی‌نین فرقینده. بون‌دان باشقا، تورکیه، موصول بؤلگه‌سینه قونشو اولماسی سببیله موصولداکی عملیاتین نتیجه‌سیله ماراق‌لانیر" دئیه دانیشدی.
بو آرادا، پنتاگون، باخان کارترین پرزیدنت رجب طیب اردوغانا عراق و سوریه‌ده داعشه قارشی حیاتا گئچیریلن موباریزه‌ده تورکیه‌نین دستگین‌دن اؤترو تشکر ائتدیگینی بیلدیردی.
کارترین آنکارا‌داکی تماس‌لاریندا، تورک سلاح‌لی گوج‌لری‌نین سوریه‌نین قوزئیی‌نین ترور عنصورلارین‌دان آریندیریلماسی اوچون 24 آگوستدا باشلاتدیغی فیرات قالخانی عملیاتیندا حربی امکداش‌لیق ایله انسانی یاردیم‌لارا دایر ایشلرین آرتیریلماسینا توخونولدوغو دا قید ائدیلدی.
موصولون ترور هؤرگوتو داعشدن تمیزلنمه‌سی اوچون، عراق اوردو بیرلیک‌لری، پئشمرگه گوج‌لری و بؤیوک اکثریتینی بعشیقه کمپینده‌کی تورک عسگرلری‌نین ائییتدیگی نینووا مجاهیدلری، 17 اکتبردا عملیات باشلاتمیشدی.
