کورتولموش:"تورکیه موصول-ون قان چاناغینا دؤنمهسینه راضیلیق وئرمهیهجک"
تورکیهنین باش ناظیرینین معاوینی نومان کورتولموش تورکیهنین عیراق-ین موصول شهرینین قان چاناغینا دؤنمهسینه راضیلیق وئرمهیهجگینی دئدی.
تورکیهنین باش ناظیرینین معاوینی نومان کورتولموش تورکیهنین عیراق-ین موصول شهرینین قان چاناغینا دؤنمهسینه راضیلیق وئرمهیهجگینی دئدی.
کوتولموش بوردورون گؤل حیسار قصبهسیندکی توپلو آچیلیش مراسیمینده چیخیش ائدهرک: "موصول بیزیم میثاقی میللی سرحدلریمیزین ایچینده اولان بیر یئردیر. هئچ کیم یانلیش آنلاماسین. هئچ کیمین بیر قاریش تورپاغیندا گؤزوموز یوخدور، لاکین موصول-ون قان چاناغینا دؤنمهسینه راضیلیق وئرمریک. موصول-دا عصرلرجه یاشایان تورکمنلر، عربلر، یزدیلر، کوردلر و باشقالاری وار. بونلار قیامته قدر بیرلیکده یاشاماغا داوام ائدهجک. ایندی "موصول-و داعش-دن تمیزلییریک" دئیهرک هاشدی شابیگی، و یا پ.ک.ک/پ.ی.د-نی گتیرمیین. بؤلگه خالقی نئجه ایستییرسه ائله یاشاسین" دئیه دانیشدی.
عملیاتلارین تورکیهنین معین ائتدیگی سرحدلر چرچیوهسینده داوام ائتدیگینی بیلدیرن کورتولموش، تورکیهیه هئچ بیر ضرر گلمهیهجگینی سؤیلهدی.
عیراق-داکی تورک عسگرینین وارلیغینادا توخونان نومان کورتولموش:" بیز اورایا سؤز اولسون دئیه گئتمدیک. عیراق مرکزی حکومتینین، شیمالی عیراق رهبرلیگینین و موصول خالقینین دعوتی ایله گئتدیک. اورادا یئرلی خالقا تعلیم وئره رک 3 مین عسگر ایندی پشمرگه ایله برابر داعش-ه قارشی موباریزه ائدیر. "باشیکادا تورکیهنین نه ایشی وار؟" سوالینی وئرسهلر، بیز ده:"10 مین کیلومتر اوزاقلاردان گلنلرین عیراق و سوریه ده نه ایشی وار؟ هانسی تاریخی طرفداشلیغینیز وار؟ " دئیه سوروشاریق" دئدی.
تورکیهنین بو سیناقدان دا اوغورلا چیخاجاغینی قئید ائدن کورتولموش، تورکیهنین منبیچی پ.ی.د-دن تمیزلهیهرک سوریهده موهوم بیر آددیم آتدیغی کیمی، موصول-دا دا، موصول خالقینین اولماسینی تامین ائدهجک کارارلیلیغینی داوام ائتدیرجگینی بیلدیردی.