چاووش اوغلو نیویورکدا گؤروش‌لرینی داوام ائتدیریر

خاریجی ایشلر ناظیری مؤلود چاووش اوغلو بیرلشمیش میللتر عمومی قورولونون 71-جی توپلانتی‌سی چرچیوه‌سینده بولگه‌سل و ایکی طرف‌لی گؤروش‌لرینی ده داوام ائتدیریر.

چاووش اوغلونون ایشتیراکی ایله باش توتان تورکیه-بوسنی و هرزگوین-کرواسی و تورکیه-بوسنی و هرزگوین-صربیستان اوچ طرف‌لی خاریجی ایشلر ناظیرلری ایجلاس‌لاریندا اورتاق گوندمده کی مؤوضولار موذاکیره اولوندو.

گوچ و قاچقین‌لار مؤوضولو مکزیکا، اندونزی، جنوبی کره، تورکیه و استرالیانین ایشتیراکین‌دان تشکیل تاپان " میکتا" خاریجی ایشلر ناظیرلری توپلانتی‌سیندا ایسه امکداش‌لیق و مسئولیتین بؤلوشولمه‌سی مسئله‌سی‌نین داشیدیغی اهمیت وورغولاندی.

چاووش اوغلو آرژانتینلی همکاری سوسانا مالکورا آراسینداکی گؤروشده ایسه اؤلکه‌لر آراسین‌داکی امکداشلیغین اینکیشاف ائتدیریلمه‌سی اوچون قارشی‌لیق‌لی سفرلرین داشیدیغی اهمیت دیله گتیریلدی.

ناظیر چاووش اوغلو اتیوپی خاریجی ایشلر ناظیری تدروس آدهانوم ایله ده بیر آرایا گلدی. ایکی ناظیر اؤلکه‌لر آراسینداکی تیجارت حجمی‌نین 1 میلیارد دو‌لارا چیخاریلماسی‌نین واجیب‌لیگینی وورغولادیلار.

گؤروشده فتح الله چی ترور تشکیلاتی‌نین تهدیدی‌نین هانسی سویه‌ده اولدوغو مسئله‌سی ده موذاکیره ائدیلدی.

چاووش اوغلو گورجوستان خاریجی ایشلر ناظیری میخایل جانلیدزه ایله گؤروشونده ایسه ایکی طرف‌لی ایقتیصادیات، تهلوکه‌سیزلیک و سیاسی امکداش‌لیق مؤوضولاری موذاکیره ائدیلدی.