اردوغان: آمریکانین، فتح الله گولن کیمی بیر تروریسته سیغینا‌جاق یئری اولمامالی
پرزیدنت اردوغان، "فتح الله گولن‌ین فعالیت‌لری بوتون دونیادا قاداغان اولمالی" دئدی
تورکیه پرزیدنتی رجب طیب اردوغان، آمریکانین، فتح الله گولن کیمی بیر تروریسته سیغینا‌جاق یئری اولماماسی لازیم اولدوغونو سؤیله‌دی.
اردوغان، بیرلشمیش میللت‌لر تشکیلاتی‌نین 71. باش قورولو عمومی دانیشیق‌لارینا قاتیلماق عذره گئتدیگی آمریکادا رویترز خبر آژانسینا موصاحیبه وئردی.
موصاحیبه‌ده، آمریکادا اولان فتح الله‌چی ترور تشکیلاتی (فتو) لیدری فتح الله گولن‌ین بیر آن اوّل حبس اولونماسی و پروسه سونوندا تورکیه‌یه اعاده ائدیلمه‌سی لازیم اولدوغونو ایفاده ائدن پرزیدنت اردوغان،
"فتح الله گولن‌ین فعالیت‌لری بوتون دونیادا قاداغان" دئدی.
پرزیدنت، فتونون 15 ژوئیه‌ده کودتا گیریشیمی‌نین آردین‌دان اعلان ائدیلن اولاغان اوستو حال‌ین مدتی‌نین ده، تورکیه بؤیوک میللت مجلیسی طرفین‌دن اوزادیلابیله‌جگینی وورغولادی.
اردوغان، سیغینماچیلار راضیلاشماسییلا علاقه‌دار اولا‌راق دا اوروپا بیرلیگی‌نین اوزرینه دوشنی ائتمدیگینی و دانیشیق‌لار پروسه‌سینده تورکیه‌یه وئردیگی سؤزلری یئرینه گتیرمدیگینی ایفاده ائتدی.
پرزیدنت، تورکیه‌نین بیرلیگه عضولوگو ایله علاقه‌دار ایسه، اوروپانین صمیمی داورانماسی لازیم اولدوغونون وورغولادی.
سوریه‌‌دکی بحرانا ده توخونان اردوغان، کئچید دؤورونده بشار اسدین یئری اولمادیغینی ایفاده ائده‌رک، اؤلکه‌نین اراضی بوتؤو‌لوگونه حؤرمت ائدیلمه‌سی لازیم اولدوغونو وورغولادی.
