بینالی ییلدیریم، بیرلشمیش میللتلر تشکیلاتینین باش کاتیبینین معاوینی جفری فلتمن ایله گؤروشدو
گؤروشمهده، همچینین سوریه باشدا اولماق عذره بؤلگهدکی حادثهلر حاقیندا فیکیر موبادیلهسی اولدو
![بینالی ییلدیریم، بیرلشمیش میللتلر تشکیلاتینین باش کاتیبینین معاوینی جفری فلتمن ایله گؤروشدو](http://cdn.trt.net.tr/images/xlarge/rectangle/f239/b7cf/0124/57c6ea3f6f271.jpg?time=1718936001)
تورکیه باش ناظیر بینالی ییلدیریم، بیرلشمیش میللتلر تشکیلاتینین باش کاتیبینین معاوینی جفری فلتمندن، 240دان چوخ وطنداشین حیاتینی ایتیرمهسینه یول آچان کودتا گیریشیمینه قارشی بو منحوس گیریشیمین آرخاسینداکی فتح اللهچی ترور تشکیلاتی پارالل دولت قورولماسی (فتو / پ.د.ی) ایله موباریزهده، باشدا بمت اولماق عذره بین الخالق توپلومون داها دا گوجلو دستک وئرمهسینی ایستهدی.
باش ناظیرلیک قایناقلاریندان الده ائدیلن معلوماتا گؤره ییلدیریم، فلتمنی چانکایا کؤشکونده قبولوندا، 15 ژوئیه خائین کودتا گیریشیمینین تورک میللتینین ایرادهسی و قرارلی موضعسی سایهسینده باشاریسیزلیغا اوغراتیلدیغینی، حکومتین بو و بنزر گیریشیملرین تکرارلانماماسی اوچون لازیمی تدبیرلری حقوق دولتی پرینسیپی چرچیوهسینده آلدیغینی ایفاده ائتدی.
بمت باش کاتیبینین معاوینی فلتمن ایسه تورکیهده دموکراسینی و ثابتلیگی هدف آلان کودتا گیریشیمینین قبول ائدیله بیلمز اولدوغونو ایفاده ائدهرک، بمت-نین باش کاتیبی بانین بو گیریشیمی ان گوجلو شکیلده قینایان، تورک خالقی و حکومتی ایله همرایلیک ایفاده ائدن مساژلارینی چاتدیردی.
گؤروشمهده، همچینین سوریه باشدا اولماق عذره بؤلگهدکی حادثهلر حاقیندا فیکیر موبادیلهسی اولدو.
فلتمن، تورکیهنین بو موضوعلاردا سرگیلدیگی تأثیرلی و قورولوشچو توتومو تقدیرله قارشیلادیقلارینی دیله گتیردی.
باش ناظیر ییلدیریم دا بؤلگهده یاشانان پروبلملرین و اینسانی فلاکتین سونا چاتدیریلماسی موضوعسوندا بمت-نین وظیفهلرینی داها ثمرهلی شکیلده یئرینه یئتیرمهسی گؤزلمهسینی تکرارلادی.
ایلگیلیلی خبرلر
![ترورلا موباریزه قطعیتله داوام ائدیر](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718936001)
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب