اردوغان شهید عائلهلری و غازیلرله گؤروشدو
تورکیهنین دؤولت باشچیسی رجب طیب اردوغان فتح الله چی ترور تشکیلاتی فتونون هدفینین یالنیز تورکیه دئییل، دونیانی اله کئچیرمک اولدوغونو سؤیلهدی.
![اردوغان شهید عائلهلری و غازیلرله گؤروشدو](http://cdn.trt.net.tr/images/xlarge/rectangle/877b/c980/4fa5/57c6636eafe40.jpg?time=1718828077)
![erdoğan, şehit yakınları ve gazilerle.jpg](http://cdn.trt.net.tr/images/xlarge/rectangle/d7ac/de95/1ace/57c6649f1aa5d.jpg?time=1718828077)
![cumhurbaşkanı recep tayyip erdoğan, şehit yakınları ve gazilerle.jpg](http://cdn.trt.net.tr/images/xlarge/rectangle/32ab/e195/6b00/57c66489ab755.jpg?time=1718828077)
![erdoğan, şehit yakınları ve gazilerle.jpg](http://cdn.trt.net.tr/images/xlarge/rectangle/2c3c/42a1/86cd/57c6644ed6bf9.jpg?time=1718828077)
![cumhurbaşkanı recep tayyip erdoğan, şehit yakınları ve gazilerle.jpg](http://cdn.trt.net.tr/images/xlarge/rectangle/78b4/7e09/c98d/57c664439b6ac.jpg?time=1718828077)
![cumhurbaşkanı erdoğan, şehit yakınları ve gazilerle.jpg](http://cdn.trt.net.tr/images/xlarge/rectangle/388c/ca7f/615a/57c66430334eb.jpg?time=1718828077)
تورکیهنین پرزیدنتی شهید عائلهلری و غازیلرله جمهور باشقانلیغیندا بیر آرایا گلدی.
اردوغان بئش تپهده کئچیریلن گؤروشده کی چیخیشیندا فتو ایله موباریزهیه توخوناراق: "بو قانلی تشکیلاتین سیرالاریندا قالماغا داوام ائدنلر وطن خاینیدیر" دئدی.
وطنداشلارا مراجعت ائدن پرزیدنت اونلاری دؤولت قوروملارینا سیزان فتوچولر بارهده صلاحیتلی اورقانلارا معلومات وئرمهیه چاغیردی.
ترور تشکیلاتلارینین گوجلرینی هارادان آلدیقلارینی یاخشی بیلدیکلرینی قئید ائدن اردوغان، آد چکمهدن غربه خبردارلیق ائتدی.
اردوغان:"بو گون بیزی یاخان آلووون صاباح سیزی ده یاندیرماسی قاچیلمازدیر. بوتون ترور تشکیلاتلاری ایله موباریزهمیزی پرینسیپیال شکیلده داوام ائتدیریریک و ائتدیرجییک" دئدی.
شهید عائلهلری و غازیلرله گؤروشده بیر سورپریز یاشاندی، جمهور باشقانلیغیندان جرابلس ایله باغلانتی یارادیلدی.
"فرات قالخانی" عملیاتلندا ایشتیراک ائدن تانکچی یوزباشی افه ترابزون بئش تپهیه ویدئو- کونفرانسلا باغلاناراق: "میللتیمیز راحت اولسون. هر شئی موکمملدیر،اکسیییمیز یوخدور" دئدی.
اردوغان دا: " جمهورباشقانلیغیندا بوتون شهید و قاضی عائلهلری ایله بوراداییق. آلدیغیم خبرلر منی قورورلاندیریر. هم سرحددکی موباریزهمیزی، هم ده جربلسدا معتدل موخالیفلرین موباریزهسینی فخرله ایزلهییریک. الله کمکینیز اولسون". دئدی.