اردوغان ایتالیا‌لی همکارینا باش‌ساغلیغی دیله‌دی

تورکیه‌نین دؤولت باشچی‌سی رجب طیب اردوغان ایتالیا پرزیدنتی سرجیو ماتارلا ایله تلفوندا دانیشا‌راق اونا ایتالیا‌داکی زلز‌له فلاکتی‌نین سببندن حیاتینی ایتیرن اینسان‌لارا گؤره باش ساغلیغی وئردی.

اردوغان روم یاخینلیغیندا میدانا گلن زلز‌له‌دن درین کدر دویدوغونو ایفاده ائده‌رک تورکیه‌نین ایتالیا خالقی‌نین آغری‌سینی پایلاشدیغینی و هر جور کمکه حاضر اولدوغونو بیلدیردی.

ایتالیانین پرزیدنتی ده، تورکیه‌دکی چئوریلیش جهدی‌نین مغلوبیتینی سئوینجله قارشیلادیق‌لارینی، دئموکراسی نین هر زامان قورونماسی‌نین واجیب‌لیگینی، ایکی اؤلکه آراسیندا هر زامان دوستلوغا سؤیکنن بیر علاقه اولدوغونو و ایتالیانین تورکیه‌نین آوروپا اتفافینا اوزولوک مسئله‌سینی دستکلدیگینی وورغولادی.