ترور هدف‌لری ان حساس شکیلده وورولور
تورکیه سلاحلی قوه‌لری‌نین حیاتا کئچیردیگی "فرات قالخانی" آدلی حربی عملیات چرچیوه‌سینده معینلشدیریلن ترور هدف‌لری‌نین ان حساس شکیلده وورولا‌راق محو ائدیلدیگی بیلدیریلدی.
باش ناظیرلیک طرفیندن وئریلن آچیقلامادا تورکیه سلاحلی قوه‌لری‌نین حیاتا کئچیردیگی "فرات قالخانی" آدلی حربی عملیات چرچیوه‌سینده معینلشدیریلن ترور هدف‌لری‌نین ان حساس شکیلده وورولا‌راق محو ائدیلدیگی بیلدیریلدی. بعضی چئوره لرین بیر سیرا مئدیادا یئر توتان "سیویل وطنداش‌لارین هدف آلیندیغی" باره‌ده کی تبلیغات مقصدلی ادعا‌لاری‌نین دا حقیقتی عکس ائتدیرمه‌دیگی وورغولاندی.
باش قرارگاه رئیس لیگی‌نین اینترنت صحیفه‌سینده یئر توتان آچیقلامادا دا داعش باشدا اولماقلا ترور تشکیلات‌لاری‌نین یاراتدیغی تهدیده سون قویا‌راق تورکیه‌نین سرحد منطقه‌لرینده کی تهلوکه‌سیزلیگی گوجلندیرمک و کوالیسیون قوه‌لرینه دستک وئرمک مقصدیله آوقوستون 24-ده باشلانیلان عملیاتین داوام ائتدیگی بیلدیریلدی.
آچیقلامادا قئید ائدیلدی کی، ترور تشکیلات‌لاری طرفیندن ایستیفاده ائدیلن و تورکیه‌نین سرحد منطقه‌سینده تهلوکه‌سیزلیک ریسکی دوغوران سوریه‌نین شیمالین‌داکی حرکات تورکیه‌نین اولوسلار آراسی حقوقا اساس‌لانان حاق‌لاری و بیرلشمیش میللتلر تشکیلاتی سازیشی‌نین 51-جی مادده‌سینده یئر آلان "اؤزونو مدافعه حاقی" و بیرلشمیش میللتلر تشکیلاتی‌نین داعش ایله موباریزه‌سی ایستیقامتینده آلدیغی قرارلار چرچیوه‌سینده داوام ائتدیریلیر.
آچیقلامادا او دا وورغولاندی کی، ترور تشکیلات‌لاری طرفیندن ایستیفاده ائدیلن و سرحد منطقه‌میزده تهلوکه‌سیزلیک ریسکی دوغوران سوریه‌نین شیمالیندا اولوسلار آراسی کوالیسیون طرفیندن حیاتا کئچیریلن عملیاتا دستک وئرن تورکیه سلاحلی قوه‌لری بؤلگه‌ده یاشایان سیویل وطنداش‌لارین ضرر گؤرمه‌مه‌سی اوچون بوتون تدبیرلری گؤرور و بو ساحه‌ده الیندن گلن حساسلیغی گؤستریر.
