مولود چاووش اوغلو:"فئتو دونیادا فعالیت گؤسترن گیزلی سوچ شبکهسی دیر"
تورکیهنین خاریجی ایشلر ناظیری مولود چاووش اوغلو فتح الله چی ترور تشکیلاتی (فئتو) هم دونیا میقیاسیندا فعالیت گؤسترن گیزلی بیر سوچ شبکهسی اولدوغونو هندوستاندا کئچیریلن گؤروشلرده ده گوندمه گتیردیکلرینی بیلدیردی.
تورکیهنین خاریجی ایشلر ناظیری مولود چاووش اوغلو فتح الله چی ترور تشکیلاتی (فئتو) هم دونیا میقیاسیندا فعالیت گؤسترن گیزلی بیر سوچ شبکهسی اولدوغونو هندوستاندا کئچیریلن گؤروشلرده ده گوندمه گتیردیکلرینی بیلدیردی.
مولود چاووش اوغلو 19 آوقوستدا حیایا کئچیردیگی هندوستان سفری زامانی PTI خبرآژانسینا وئردیگی موصاحیبهده فئتونون دؤولت چئوریلیشی جهدیندن سونرا هندوستاننین خاریجی ایشلر ناظیری سوشما سواراج تورکیهیه وئردیگی دستکی میننتدارلیقلا قارشیلادیقلارینی بیلدیردی.
"تأسف کی، فئتو چئشیدلی درنک و مکتبلر واسطهسیله هندوستاننا دا سیزیب" ایفادهسینی ایشلهدن چاووش اوغلو، فئتونون دونیا میقیاسیندا فعالیت گؤسترن گیزلی بیر سوچ شبکهسی اولدوغونو، تشکیلاتین فعالیت گؤستردیگی اؤلکهلرده کی مؤوجودلوغونا سون قویولماسی اوچون جهدلر گؤستریلدیگینی بیلدیردی.
تروریزمین بوتون نوع لرینین دئموکراسی اوچون تهدید اولدوغونو، تروریزمه قارشی بیلگی موبادیلهسینین، ایکیلی و چوخ طرفلی امکداشلیق و همرای لیگین موهوم اولدوغونو قئید ائدن چاووش اوغلو، تورکیه و هندوستاننین دا بونون اوزرینده مرکزلشدیگینی قئید ائتدی.
سوریهده کی وضعیتدن ناراحات اولدوغونو، تورکیهنین سوریهده کی موناقیشهلردن بیرباشا اذیت چکدیگینه ایشاره ائدن مؤولود چاووش اوغلو :" اولوسلار آراسی توپلوم سوریهده احتیاج دویولان سیاسی دییشیکلیگی تعمین ائتمک اوچون بیرلیکده ایشلمهلیدیر. بو، سادهجه اؤلکهدکی موناقیشنی بیتیرمک اوچون باشلیجا شرط دئییل، تروریزمله ثمرهلی موباریزه اوچون ضرورتدیر" دئدی.
تورکیه و هندوستان آراسیندا اقتصادی علاقهلره ده توخونان چاووش اوغلو، علاقهلری اینکیشاف ائتدیرمگی هدفلهین گئنیش میقیاسلی اقتصادی امکداشلیق موقاویلهسینین ایمضالانماسی ایستیقامتینده حاضرلانان راپورون 2011-جی ایلین فئورال آییندان اعتباراً هندوستان طرفینین تصدیقینی گؤزلهدیگینه دقتی چکهرک، موقاویلهنین ایمضالانماسی حالیندا ایکی طرفلی اقتصادی و تیجارت علاقهلرینین گوجلنهجگینی قئید ائتدی.