اردوغان: "پ.ک.ک-نین ترور هوجوملارینین آرخاسیندا فئتو دایانیر"
دؤولت باشچیسی رجب طیب اردوغان ایسلام دونیاسی سیویل توپلوم تشکیلاتی بیرلیگینین تمثیلچیلرینی جمهور باشقانلیغی ایقامتگاهیندا قبول ائتدی.
تورکیهنین دؤولت باشچیسی رجب طیب اردوغان ترور تشکیلاتی پ.ک.ک-نین تؤرتدیگی ترور سالدیریسینین آرخاسیندا فتحاللهچی ترور تشکیلاتی (فئتو) اولدوغونو سؤیلهدی.
دؤولت باشچیسی رجب طیب اردوغان ایسلام دونیاسی سیویل توپلوم تشکیلاتی بیرلیگینین تمثیلچیلرینی جمهور باشقانلیغی ایقامتگاهیندا قبول ائتدی.
چیخیشی زامانی اؤتن گون الازیغدا تؤردیلن ترور هوجومونا توخونا اردوغان هوجومون مقصدینین سادجه قان تؤکمک، اؤلکهنین و خالقین دینجلیگینی پوزماق اولدوغونو بیلدیردی.
رجب طیب اردوغان تورکیهنین، آدلاری فرقلی اولسا دا، عینی مقصدله حرکت ائدن و بیر-بیری ایله یاخین علاقهده اولان ترور تشکیلاتلارینین اورتاق هوجومونا معروض قالدیغینی قئید ائتدی.
دؤولت باشچیسی فئتو ایله پ.ک.ک-نین و داعش آراسیندا هئچ بیر فرق اولمادیغینی هامیسینین عینی مقصده خیدمت ائتدیگینی بیلدیردی.
غرب اؤلکهلرینین فئتونون حیاتا کئچیردیگی چئوریلیش جهدینه دایر مؤوقعینی ده تنقید ائدن اردوغان دؤولته سیزمیش فئتؤ یاپیلانماسینی حقوق چرچیوهسینده تامامیله تمیزلنجگینی دئدی.
دؤولت باشچیسی رجب طیب اردوغان سوریه مسئلهسینه ده توخوندو.
تورکیهنین سوریهیه یاردیملار ائدیلمهسی مسئلهسینه تمکینلی یاناشدیغینی خاطیرلادان اردوغان تورکیهنین بوتون خبردارلیقلارینا باخمایاراق سوریهیه ترور تشکیلاتی داعش ایله موباریزه آدی ایله هاوادان ائدیلن سلاح یاردیمینین یاریسینین پ.ک.ک-نین سوریهده کی قولو ی.پ.گ-نین یاریسینین دا داعش-ین الینه کئچدیگینه دونیا ایجتیمایتینین شاهید اولدوغونو قئید ائتدی.
رجب طیب اردوغان فئتو چته باشی فتح الله گولهنین تورکیهیه اعادهسی مسئلهسینده آمریکا ایله گؤروشلرین داوام ائتدیگینی بیلدیردی.
ایلگیلیلی خبرلر
3 ترورچو ضررسیزلشدیریلیب
سوریه و عراقین شیمالیندا بؤلوجو ترور تشکیلاتی پ.ک.ک-یا عایید 3 ترورچو ضررسیزلشدیریلیب.