تورکیه پرزیدنتی اردوغان: تورکیه حقوق دولتی اولا‌راق قالماغا داوام ائدجک
اردوغان،"15 ژوئیه گئجه‌سی هانسی منشأ‌دن، مشربدن، سیاسی فیکیردن اولورسا اولسون تورک میللتی‌نین، 79 میلیونون هامیسی تاریخی بیر ایمتحانی آلنی‌نین آغییلا وئرمیش‌دیر. هئچ کیمین بو ایفتیخار وئریجی گؤرونوشه کؤلگه سالماغا حاقی یوخدور." دئدی
تورکیه پرزیدنتی رجب طیب اردوغان، تورکیه‌نین حقوق دولتی اولا‌راق قالماغا داوام ائدجگینی سؤیله‌دی.
اردوغان، پرزیدنت کوللیه‌سینده، تورکیه وکیللر بیرلیگی صدری متین فیضی اوغلو و برابرین‌دکی هیاتی قبول ائتدی.
اردوغان، بورادا ائتدیگی دانیشمادا، "فتح الله‌چی ترور تشکیلاتی پارالل دولت قورولماسی (فتو / پ.د.ی)'نین 15 ژوئیه‌ده کودتا گیریشیمینده میللتین، هئچ بیر آیری-سئچکی‌لیک ائتمه‌دن آیاغا قالخدیغینی، گولله‌یه بدنینی سیپر ائتدیگینی سؤیله‌دی.
کودتاچی‌لرین قارشی موباریزه‌نین، حقوق دولتی مرزلری ایچینده آپاریلدیغینی وورغولایان اردوغان، بئله دانیشدی:
"وکیللر بیرلیگی باشقان‌لاریمیز بون‌دان امین اولسون‌لار؛ تورکیه بیر حقوق دولتی‌دیر و حقوق دولتی اولا‌راق قالماغا داوام ائده‌جک. اؤلکه‌میزه و میللتیمیزه ساواش آچان کودتاچی‌لره قارشی موباریزه، ایلک آندان اعتباراً حقوق دولتی مرزلری ایچینده آپاریلمیشدیر. 15 ژوئیه گئجه‌سی کودتاچی‌لرین قارشی‌لاریندا، میللتیمیز و گوونلیک گوجلریمیز ایله ساوجیلارییلا، قاضیلریله عدالت تشکیلاتیمیزی دا تاپمیش‌لار. "
تورک میللتی‌نین، 15 ژوئیه گئجه‌سی تاریخی بیر ایمتحان‌دان کئچدیگینی ایفاده ائدن اردوغان،
"15 ژوئیه گئجه‌سی هانسی منشأ‌دن، مشربدن، سیاسی فیکیردن اولورسا اولسون تورک میللتی‌نین، 79 میلیونون هامیسی تاریخی بیر ایمتحانی آلنی‌نین آغییلا وئرمیش‌دیر. هئچ کیمین بو ایفتیخار وئریجی گؤرونوشه کؤلگه سالماغا حاقی یوخدور." دئدی.
اردوغان، تورک خالقی‌نین، کودتا‌یا قارشی قرارلی بیر رفتار سرگیلدیگینی ایفاده ائده‌رک،
"کودتاچی‌لرین نه قدر ویجدان‌سیز، اخلاق‌سیز، جانی، شعورسوز ایسه میللتیمیز او درجه نجیب، دؤزوملو، جسور، قطعیت‌لی بیر رفتار ایچینده اولموش‌دور. بو میللته آنجاق حؤرمت دویولور. بو میللت آلنین‌دان اؤپوله‌سی بیر میللت‌دیر." دئیه دانیشدی.
تورکیه‌نین، ایللرجه ایستیثمارا معروض قالدیغینا دقتی چکن اردوغان، سؤزلرینی بئله داوام ائتدیردی:
"بو گون گئرییه دؤنوب باخدیغیمیزدا، تورکیه‌نین ایللرجه، یالانلا، ایفتیرایلا، چارپیتمایلا، بوش سؤزله، حماس ایله اؤلکه‌سینه و دولتینه صاحب چیخدیغینی ادعا ائدن گویا سئچمه‌لرین ایستیثمارینا معروض قالدیغینی فرق ائدیریک. اما 15 ژوئیه‌ده کودتاچی‌لاردان ایکی‌سی ترورچولارین سیلاح‌لاری اؤلوم قوسماغا باشلادیغیندا، بو ایستیثمارچی‌لارین هئچ بیری اورتادا یوخ ایدی. کوچه‌لری، میدان‌لاری دولدوران‌لار، تانک‌لارین قارشی‌سیندا یاتان‌لار، توفنگ‌لر قارشی‌سیندا دیکیلنلر سئچکین‌لری دئییل بو اؤلکه‌نین اورتا وطنداشی ایدی. "
