تورک – روس ایش دونیاسی توپلانتی‌سی
تورکیه‌نین دؤولت باشچی‌سی رجب طیب اردوغان و روسیا‌لی همکاری ولادیمیر پوتین بیرلیکده تورکیه-روسیا ایش دونیاسی توپلانتی‌سیندا ایشتیراک ائتدیلر.
تیجارت حجمی 100 میلیارد د‌لارا چیخارماغی هدفلدیک‌لرینی سؤیله‌ین تورکیه لیدری تورک آخینی و آک کویو آتوم سانترالی پروژه لرینین ان قیسا زاماندا حیاتا کئچیریله جگینی بیلدیردی.
تورکیه‌نین دؤولت باشچی‌سی رجب طیب اردوغان و روسیا‌لی همکاری ولادیمیر پوتین بیرلیکده گؤروشدن سونرا تورکیه-روسیا ایش دونیاسی توپلانتی‌سیندا ایشتیراک ائتدیلر.
چیخیشیندا اردوغان ایکی اؤلکه آراسینداکی پوتانسیالی بؤلگه اوچون داها فایدا‌لی وضعیته گتیرمک اوچون قرارلی اولدوق‌لارینی وورغولادی. تیجارت حجمینی 100 میلیارد دول‌لارا چیخارماغی هدفلدیک‌لرینی سؤیله‌ین تورکیه لیدری تورک آخینی و آک کویو آتوم سانترالی پروژه لرینین ان قیسا زاماندا حیاتا کئچیریله‌جگینی بیلدیردی، روسیا ایش آدام‌لارینی تورکیه‌ده یئنی یاتیریملار رئاللاشدیرماغا چاغیردی. اورتاق یاتیریم فوندو قورولاجاغینی دا آچیقلایان اردوغان امکداشلیغین مدافعه صنایع‌سینی ده گئنیشلندیره‌جک‌لرینی قئید ائتدی.
ائو صاحبی ولادیمیر پوتین اؤز نؤوبه‌سینده گاز داشینماسی ایله باغلی روسیانین ان اعتبارلی اؤلکه اولدوغونو سؤیله‌دی تیکینتی سئکتوروندا دا امکداش‌لیغی آرتیرماق ایستدیک‌لرینی دیله گتیردی. روسیا‌لی لیدر ویزا رئژیمیله ده باغلی ایشلره باشلایا‌جاق‌لارینی قئید ائتدی.
