واشینگتوندا یاشایان تورک وطنداش‌لاری، آغ ائو قارشی‌سیندا "کودتایا قارشی دموکراسی" میتینگی ائتدی
تورک-آمریکان یؤنلندیرمه کومیته‌سی علاقه کووردیناتورو مصطفی تونجر، آمریکا‌لی تورک‌لر و تورکیه دوست‌لاری اولا‌راق، آمریکا رهبرلیگین‌دن، فتح الله‌چی ترور تشکیلاتی‌نین (فتو) چته باشی فتح اهلی گوله‌نین بیر آن اوّل تورکیه‌یه اعاده ائدیلمه‌سینی ایسته‌دی
آمریکا باشکندی واشینگتون و اطرافیندا یاشایان تورک وطنداش‌لاری، آغ ائو قارشی‌سیندا فتونون کودتاه گیریشیمینی اعتراض ائده‌رک "کودتایا قارشی دموکراسی" میتینگی تشکیل ائتدی.
آمریکاداکی تخمینن 150 تورک آمریکان درنکی بیر دام آلتیندا ییغان تورک-آمریکان یؤنلندیرمه کومیته‌سی (TASC) طرفین‌دن تشکیل ائدیلن میتینگه، باشکند واشینگتونون یانیندا ویرجینیا، مریلند ونیوجرسی ایالت‌لرینده یاشایان تورک وطنداشلاریندان عبارت اولان تخمینن مین نفر قاتیلدی.
میتینگده عدالت و قالخینما پارتیسی، جمهوریت خالق پارتیسی و میللیتچی حرکت پارتیسی‌نین آمریکاداکی نماینده‌لری بیر دانیشما ائدرکن، 15 ژوئیه گئجه‌سی تورک خالقی‌نین، دموکراسیسینه، موستقیل‌لیگینه، آزاد ایراده‌سی ایله سئچدیگی پارلامنتینه و پرزیدنت‌لیگینه قارشی حیاتا کئچیریلن قان‌لی کودتاه تلاشینه جانی باهاسینا قارشی چیخدیغی وورغولاندی.
تورک-آمریکان یؤنلندیرمه کومیته‌سی علاقه کووردیناتورو مصطفی تونجر، آمریکا‌لی تورک‌لر و تورکیه دوست‌لاری اولا‌راق، آمریکا رهبرلیگین‌دن، فتح الله‌چی ترور تشکیلاتی‌نین (فتو) چته باشی فتح الله گوله‌نین بیر آن اوّل تورکیه‌یه اعاده ائدیلمه‌سینی ایسته‌دی.
دیگر طرف‌دن تورکیه‌نین واشینگتون سفیری سردار کیلیچ دا میتینگ ساحه‌سینه گله‌رک وطنداش‌لارا قاتیلدیقلاری اوچون تشککور ائتدی.
