دولت باغچهلی 7 آوقوستدا کئچیریله‌جک "دموکراسی و شهیدلر میتینگی"نه قاتیلاجاق
دولت باغچه‌‌لی‌نین بو توییترینی، پرزیدنت رجب طیب اردوغان دا اؤز تعقیپچیلریله پایلاشدی
میللیتچی حرکت پارتیسی صدری دولت باغچهلی، سوسیال مئدیا حسابین‌دان ائتدیگی آچیقلامادا، ایستانبولدا 7 آوقوستدا کئچیریله‌جک "دموکراسی و شهیدلر میتینگی"نه قاتیلاجاغینی آچیقلاییب.
باغچهلی، توییتر حسابین‌دان ائتدیگی آچیقلامادا، میتینگده 79 میلیون تورک وطنداشینی، قاتیلیمی دولت و سیاست آدام‌لاری ایله قوجاقلایاجاغینی ایفاده ائتدی.
15 ژوئیه‌‌دن بری تورک میللتی‌نین دموکراسی کئشیگینده اولدوغونو ایفاده ائدن باغچهلی،
"میللت ایراده‌سی توتدوغو دموکراسی کئشیگینه یئنی‌کاپیدا فینالا داشییا‌جاق. و دوستا گوون دوشمنه قورخو سالاجاقدیر" دئدی.
دولت باغچه‌‌لی‌نین بو توییترینی، پرزیدنت رجب طیب اردوغان دا اؤز تعقیپچیلریله پایلاشدی.
اردوغان، بئله‌لیکله بیر بؤیوک بیر آدیم آتا‌راق، بیر باشقا سیاسی لیدرین مساژلارینی پایلاشمیش اولدو.
پرزیدنتی‌نین آردین‌دان باش ناظیر بینا‌لی ییل‌دیریم دا، باغچه‌‌لی‌نین میتینگله علاقه‌دار توییترینی، اؤز تعقیپچیلریله پایلاشدی.
پرزیدنتی رجب طیب اردوغان، 7 آوقوستدا ایستانبول یئنی‌کاپیدا تشکیل ائدیله‌جک 'دموکراسی و شهیدلر میتینگی اوچون جمهوریتچی خالق پارتیسی لیدری کمال کیلیچداروغلو و میللیتچی حرکت پارتیسی لیدری دولت باغچه‌لی‌نه دعوت گؤندرمیشدی.
کیلیچداروغلو یئنی‌کاپی میتینگینده قاتیلمایاجاغینی آنجاق بیر هئیت گؤندریله‌جگینی آچیقلامیشدی
